web counter
LEXO PA REKLAMA!

SHKARKO APP

App Store
Google Play

BE çeli negociatat/ Duma: Lajm i madh por i vonuar, Shqipëria gjendet pa asnjë motivim

19 Korrik 2022, 20:03, Politikë CNA
BE çeli negociatat/ Duma: Lajm i madh por i vonuar, Shqipëria
Grida Duma

Deputetja e PD-së, Grida Duma, ka reaguar për çeljen e negociatave nga BE për Shqipërinë dhe Maqedoninë e Veriut.

Në një postim në rrjetin social "Facebook", Duma shkruan se ky është një lajm i madh, por sipas saj i vonuar.

Ajo shton se “negociatat sot u hapën, e ndonëse është ky një hap i rëndësishëm, ato e gjejnë Shqipërinë me shpresë të fikur dhe pa asnjë 'motor' pune e motivimi të ndezur”.

Postimi i plotë i Dumës:

Hapja e negociatave të Shqipërisë me Bashkimin Europian, pas kaq vitesh shpresash të zhgënjyera, më në fund është, një lajm i vërtetë.

Më në fund, dhe pas kaq shumë vitesh vonese, një lajm i madh dhe kaq shumë i vonuar.

Shqiptarët me të drejtë nuk e gjejnë sot në këtë realitet shpresën që do të duhet të kishin.

Shqiptarët shpresuan t'u hapeshin negociatat 8 vjet më parë, 7 vjet më parë, 6 vjet më parë, 5 vjet më parë e me rradhë..

Shqiptarët u gënjyen me vitet e pritjes nga një qeveri që nuk ngurronte të driblonte duke provokuar me nje plan B për Shqipërinë, pra jo vet?m atë europian.

Negociatat sot u hapën, e ndonëse është ky një hap i rëndësishëm, ato e gjejnë Shqipërinë me shpresë të fikur dhe pa asnjë 'motor' pune e motivimi të ndezur.

Qeverisja Rama humbi 1/3 e kohës së historisë se tranzicionit shqiptar duke fajësuar Europën, për çfarë bënte keq vetë!

Ka punë për të bërë, por si do mundet ta kryeje proçesin serioz të plotësimit të detyrave ndaj BE një qeveri që e ka dhene me konçension vetë qeverisjen?

Pas fasadës me sihariqe, Shqipëria sot humb kohë të vyer, ndërsa është më e vonuara në Ballkan në trenin e zhvillimit.

Hapja e negociatave këtë herë nuk është lajm i rremë, siç ka qënë me vite me rradhë.

Është një sfidë reale për punë, jo për ta zhvatur Shqipërinë me tejzgjatje dhjetra vjeçare aq sa ti lodhin e ti ulin besimin edhe tek Europa./CNA.al

 





Lajmet e fundit nga