web counter
LEXO PA REKLAMA!

SHKARKO APP

App Store
Google Play

Anëtarësimi në BE/ Balla: Shqipëria nuk do të ketë fatin e Turqisë

19 Korrik 2022, 16:23, Politikë CNA
Anëtarësimi në BE/ Balla: Shqipëria nuk do të ketë
Kreu i Grupit Parlamentar të PS-së, Taulant Balla

Kreu i Grupit Parlamentar të PS-së, Taulant Balla, ka folur për procesin e integrimit në BE pas çeljes së negociatave të Shqipërisë dhe Maqedonisë së Veriut.

Balla tha se hapja e negociatave është konkluzion i përpjekjeve të vazhdueshme të Shqipërisë. Ai deklaroi në emisionin “Top Talk” se procesi i anëtarësimit të Shqipërisë në BE, nuk do të ketë fatin e Turqisë.

“E vërteta është që sot vendet e Ballkanit Perëndimor janë afruar dhe ky është një moment i rëndësishëm. Duhet të kuptojmë që ka një ndërgjegjësim, jo vetëm në Shqipëri.

Prej disa vitesh po kryhen reforma të tilla, të cilat duhet të ishin kryer në fakt sot 25 vite më para. Nuk e bëmë atëherë, po e bëjmë tani, por është konkluzion i përpjekjeve dhe sot jemi në një fazë të re.

Ne duhet të kosiderojmë që Ballkani Perëndimor do të jetë një mundësi reale investimesh, jo vetëm nga vendet e BE.

Qasja jonë do të jetë e përbashkët dhe besoj se BE, vendimmarrësit e rëndësishëm europianë besojnë që procesi i Shqipërisë nuk do të ketë fatin e Turqisë”, u shpreh kreu i Grupit Parlamentar të PS-së.

Balla theksoi se Shqipëria dhe Maqedonia e Veriut Konferencën e Parë Ndërqeveritare duhet ta kishin mbajtur në vitin 2018 dhe jo sot.

“Shqipëria dhe Maqedonia e Veriut këtë Konferencë të Parë Ndërqeveritare duhet ta kishin mbajtur në 2018-ën. Ajo që flasim është se natyrshëm reformat do të vazhdojmë. Ka një çështje që duhet të them, reformat nuk janë detyrë shtëpie nga BE, janë shërbime mbarëvajtjeje”, nënvizoi ai./ B.A. – CNA.al





Lajmet e fundit nga