E fundit!

13:42 Aktualitet

A do të marrin pjesë në seancë plenare?/ PD mbledh nesër Grupin Parlamentar

Partia Demokratike do të mbledhë nesër paradite Grupin Par...

Basha hapi negociatat me BE-në?/ Demokratët ironizojnë ish-kryetarin e PD-së, i kujtojnë milionat nga “ortaku”

20 Korrik 2022, 10:47, Politikë CNA

Basha hapi negociatat me BE-në?/ Demokratët ironizojnë

Ish-kryetari i Partisë Demokratike, Lulzim Basha, pasi iku me turp nga selia e PD-së, duket se tashmë ka kaluar në variantin “Gëzuar”.

Në fakt, Lulzim Basha edhe pse është “zhdukur” nga ekranet, herë pas here bëhet i gjallë në rrjetet sociale, sa për t’u hedhur hi syve qytetarëve, se është ende faktor politik në vend.

Por, nëse shikon profilin e tij në rrjetet sociale, shikon që të vetmet reagime janë për raste festash që thotë “Gëzuar”, ose kur ka raste përkujtimore.

Ndërkohë, së fundi nuk mund të mos reagonte Lulzim Basha edhe për hapjen e negociatave me BE-në.

“Vendimi i BE për të nisur negociatat e anëtarësimit me Shqipërinë është një hap që do të mbështesë Shqipërinë në rrugën drejt plotësimit të një ëndrre që e ndajnë të gjithë shqiptarët, anëtarësimin e vendit në Bashkimin Europian.

Hapi i sotëm është edhe një detyrim nga i cili nuk mund te ikë askush, për të përmbushur kriteret në luftën kundër krimit të organizuar dhe korrupsionit, zbatimit të reformës në drejtësi, çlirimin e ekonomisë nga monopolet dhe nga oligarkia, konkurencën e lirë si parakusht i zhvillimit ekonomik që krijon vende pune, reformën në administratën publike, respektimin e lirive dhe të drejtave të nëpërkëmbura të qytetarëve, lirinë e medias e mbi të gjitha garantimin e votës së lirë për shqiptarët. Kjo është e vetmja rrugë për ta bërë si ”-shkruan Basha, në rrjetet sociale.

Basha hapi negociatat me BE-në?/ Demokratët ironizojnë

Por, pas këtij postimi demokratët kanë shpërthyer në komente, duke ironizuar Lulzim Bashën.

Ata ironizojnë Bashën, ndërsa shkruajnë se ka harruar të thotë se i hapi ai negociatat.

Po ashtu demokratët i kujtojnë Bashës edhe milionat që sipas tyre ka fituar në bashkëpunim me “ortakun” e tij në Qeveri, duke shitur Opozitën.

“Ti paske qënë tersi!!-sa u largove ti? Bën mirë të zhdukesh fare nga këtu.”-shkruan një qytetar.

Më tej, një tjetër shkruan: “Ku je, ku ke humbur? Je ngritur nga gjumi vëlla?”.

“Gjallë qenke ti o jeta”, -ironizon një tjetër.

Ndërsa një qytetar shkruan: “Dhe kjo meritë e jotja ishte ke harru ta thuash”.

Gjithashtu një qytetar shkruan: “Ke të drejtë se miliardat i fute në llogaritë e tua.”

Po ashtu një demokrat shkruan: “E gjitha kjo arritje falë luftës pa mbarim që ju keni kryer. Ku po i ha lekët që bërë si kryetar opozite i blerë. 12 vjet e ktheve vendin vend numëro në bashkëpunim me skizcofrenin në pushtet”./CNA.al