web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave/ Mustafaj “nxjerr zbuluar” Ramën: Ja për çfarë gënjeu në Bruksel

19 Korrik 2022, 22:00, Politikë CNA
Çelja e negociatave/ Mustafaj “nxjerr zbuluar” Ramën: Ja
Analisti Besnik Mustafaj

Ndonëse BE nisi bisedimet për integrimin e Shqipërisë, analisti Besnik Mustafaj, thotë se është çelur rruga drejt këtyre negociatave dhe jo negociatat në tërësi.

Mustafaj pretendon se procesi është i kthyeshëm nëse vendi nuk bën progres me reformat.

“Jemi në paradhomë, por ndryshimi është që dera nuk është e mbyllur. Procesi është i kthyeshëm. Nëse vendi nuk bën progres në akset kryesore, si demokracia, të drejtat, lufta kundër korrupsionit dhe krimit të organizuar, ka kthim mbrapa”, u shpreh ai, ndërsa theksoi se shtetet anëtare të BE-së mund të ndalojnë në çdo moment ecurinë e negociatave.

“Kthimi pas do të thotë që mund të humbësh edhe të drejtën e negociatave. Serbia ka mbetur te 4 kapitujt. Lufta kundër korrupsionit do të jetë që në fillim.

Brukseli negociatat i ka kryesisht teknike. Mund të bindet një shtet, por të del një vend, cilido që thotë se kam të dhëna të tjera. Avancimi është kur nuk është më me gënjeshtra nga ana e qeverisë”, theksoi analisti në "Syri TV".

Për sa i përket deklaratës së kryeministrit Edi Rama për mospjesëmarrjen e një përfaqësuesi të opozitës në Bruksel, Mustafaj deklaroi se kreu i qeverisë gënjeu.

“Nuk ka detyrim nga Brukseli kush do të vijë. Ftohet qeveria dhe pastaj vendoset se kush do të shkojë. Rama mund të mos shkonte as vetë. Gënjeu, nuk e ka caktuar Brukseli formulën.

Formatin e kemi caktuar ne në Tiranë. Mandaton kë të dojë qeveria. Ajo që thotë Rama është gënjeshtër. Ai gënjen. Kush e pengonte të merrte nënkryetaren e parlamentit, kryetaren e komisionit të integrimit”, tha ai./ B.A. – CNA.al





Lajmet e fundit nga