LEXO PA REKLAMA!

SHKARKO APP

E fundit!

x

Pas përplasjeve, opozita futet në sallë për mbledhjen e Komisionit të Reformës Zgjedhore

6 Shkurt 2024, 12:27, Politikë CNA
Pas përplasjeve, opozita futet në sallë për mbledhjen e
Foto nga mbledhja

Deputetët e opozitës kanë mundur të futen brenda sallës ku pritet të zhvillohet mbledhja e Komisionit të Reformës Zgjedhore. 

Brenda sallës janë deputetët Dashnor Sula, Flamur Noka, Ina Zhupa, Flamur Noka, Gazment Bardhi, Edi Paloka. Ata kanë zënë vendet e socialistëve.

Ndërkohë, asnjë deputet socialist, apo i grupit të Bashës, nuk është i pranishëm në sallë. 

Nuk është hera e parë që demokratët bllokojnë mbledhjen e këtij komisioni. 

Pak javë më parë, në një kërkesë drejtuar kryetares së Kuvendit dhe për dijeni ambasadorëve të Quint-it dhe kryetarit të Grupit Parlamentar të PS-së, 43 deputetët e PD-së të grupimit Bardhi-Berisha, 3 deputetët e Partisë së Lirisë dhe deputeti i PD-së, Agron Shehaj, i kanë kërkuar kryetares së Kuvendit të procedojë me ndryshimin e përbërjes së Komisionit të Posaçëm Parlamentar për Reformën Zgjedhore.

47 deputetët e opozitës, të cilët së bashku me 7 deputetët e Grupit Parlamentar për Demokraci dhe Integrim që kanë caktuar Shpëtim Idrizin si anëtar të tyre, përbëjnë shumicën absolute të deputetëve të opozitës, kanë theksuar se përveç faktit që Shqipëria ka detyrimin ndërkombëtar për reflektimin e rekomandimeve të OSBE-ODIHR, nga ana tjetër Kuvendi ka detyrimin për të reflektuar edhe 3 vendime të Gjykatës Kushtetuese, që lidhen kryesisht me formulën ligjore të përllogaritjes së mandateve për deputet, si dhe votën e shtetasve shqiptarë që jetojnë jashtë vendit.

Në një letër të gjatë deputetët e opozitës kanë shpjeguar në detaje se si puna e Komisionit të Posaçëm të Reformës Zgjedhore u bllokua për rreth 2 vite nga bashkëkryetarët aktualë./CNA 

 

11:53 Politikë

Jorgo Goro, në SPAK

Kryetari në detyrë i Bashkisë së Himarës, Jorgo Goro, ësht...

Lajmet e fundit nga