LEXO PA REKLAMA!

SHKARKO APP

Zbulohet skenari/ Parlamenti disa minuta

5 Shkurt 2024, 11:38, Politikë CNA

Zbulohet skenari/ Parlamenti disa minuta

CNA ka zbuluar skenarin e mazhorancës për seancën plenare të kësaj të hëne, e cila do të mbahet në orën 17:00, në të njëjtën kohë kur jashtë Parlamentit do të mbahet protesta kombëtare e opozitës.

Në mbledhjen e grupit parlamentar të Partisë Socialiste, kreu i grupit, Bledi Çuçi ka dhënë disa udhëzime për deputetët.

Burime për CNA bëjnë me dije se seanca plenare do të zgjasë për vetëm disa minuta, skenar ky i parë në seancat e muajve të fundit.

Çuçi ka udhëzuar deputetët të jenë të kujdesshëm, të shmangin provokimet dhe incidentet. Ai ka deklaruar se seanca do të hapet dhe mbyllet shpejt. 

Të njëjtat burime bëjnë me dije se për deputetët e PS-së do ketë një hyrje sigurie, e cila zakonisht bëhet nga krahu hyrës te qendra e biznesit “Toptani”.

Ky është skenari i mazhorancës për ditën e sotme, kur deputetët e opozitës pritet të protestojnë brenda dhe jashtë Parlamentit./ CNA

Lajmet e fundit nga