LEXO PA REKLAMA!

SHKARKO APP

Aksioni opozitar/ Meta jep detaje nga Korça

3 Shkurt 2024, 13:18, Politikë CNA
Aksioni opozitar/ Meta jep detaje nga Korça
Ilir Meta

Kreu i Partisë së Lirisë, Ilir Meta gjatë një konference për mediat nga Korça foli edhe për aksionin opozitar, ku u shpreh se opozita po lufton në mbrojtje të pluralizmit politik për kushtetueshmërinë për të kthyer funksionimin e Kuvendit. 

Meta u shpreh se qytetarët janë shumë të qartë për pasojat që po paguajnë, për këtë situatë të degradimit të demokracisë dhe se do të japin kontributin e tyre në fuqizimin e opozitës.

"Opozita është në këtë situatë të vështirë dhe tepër sfidante sepse kemi të bëjmë me një projekt të mirëplanifikuar prej kohësh për asgjësimin e pluralizmit politik në Shqipëri, ndaj nuk ka qenë rastësi djegia e mandateve nga ana e opozitës dhe lënia e gjithë parlamentit për këto 2 vite Edi Ramës për të bërë dhjetëra ligje me porosi për të kapur drejtësinë por njëkohësisht dhe për të shmangur llogaridhënien, për konçensionet që janë tërësisht të pamonitorueshme. Çështja e inceneratorit është bërë më vizibël, për shumë arsye, por ka dhe shumë konçensione në fushën e shëndetësisë, infrastrukturës e kudo tjetër. Opozita pa asnjë diskutim ka përgjegjësitë e saj, por po lufton në mbrojtje të pluralizmit politik për kushtetueshmërinë për të kthyer kuvendin në funksionin e tij që e ka humbur prej kohësh dhe është në aksion të vazhdueshëm. Çdo ditë mazhoranca ka vetëm një qëllim, asgjësimin e pluralizmit politik dhe përçarjen e opozitës. Unë besoj se qytetarët janë shumë të qartë për pasojat që po paguajnë, për këtë situatë të degradimit të demokracisë besoj se do të japin kontributin e tyre në fuqizimin e opozitës. Ne të gjithë do të bëjmë punën tonë më shumë se deri tani", u shpreh Meta./CNA 

Lajmet e fundit nga