web counter
LEXO PA REKLAMA!

SHKARKO APP

App Store
Google Play

Ahmetaj: Nuk bëhem “kokë turku” për Edi Ramën

1 Shkurt 2024, 22:47, Politikë CNA
Ahmetaj: Nuk bëhem “kokë turku” për Edi Ramën
Ish-zv.kryeministri Arben Ahmetaj

Ish-zv.kryeministri Arben Ahmetaj ka dhënë një mesazh të qartë për kryeministri Edi Rama.

Pas akuzave se po e godet politikisht dhe tentoi të mbyllë aferën në inceneratorin e Tiranës me të, Ahmetaj tha se nuk do të lejojë që të bëhet “kokë turku” për Ramën.

Ai deklaroi në intervistën me Çim Pekën se nuk do të mbajë në kurriz kryqin e të tjerëve, por vetëm atë që i takon.

“Rasti im është shumë i rëndësishëm për Reformën në Drejtësi. Është tentuar të bëhet statistikë politiko-juridike. Është ndërtuar një narrativë e tërë që ky është njeriu që duhet ta hajë. Ky të vejë në të s’ëmës. Nuk bëhem unë ‘kokë turku’ për Edi Ramën. Nuk bëhem për askënd, jo për Edi Ramën. Unë do të mbaj kryqin që më takon në kurriz. Por nuk mbaj kryqin e askujt tjetër dhe unë nuk jam krijesë që mund të kërcënohem, as nga Robespierët, as nga kriminelët, as nga burgu, as nga jashtë burgut. Jam ndonjë trim, jo, njeri normal jam. Kam frikë, sigurisht kam frikë si çdo njeri. Kam frikë nga vdekja, sigurisht, do të vdesim një ditë, sigurisht. Por nuk jam krijesë që mund të kërcënohem. Kjo është e sigurtë”, theksoi ish-zv.kryeministri./ CNA





Lajmet e fundit nga