web counter
LEXO PA REKLAMA!

SHKARKO APP

App Store
Google Play

Ivi Kaso, akuza mazhorancës dhe drejtësisë/ 3 betejat kundër opozitës

1 Shkurt 2024, 18:53, Politikë CNA
Ivi Kaso, akuza mazhorancës dhe drejtësisë/ 3 betejat kundër
Sekretari për Çështjet Ligjore në PD, Ivi Kaso

Sekretari për Çështjet Ligjore në PD, Ivi Kaso, hodhi akuza ndaj qeverisë dhe drejtësisë në protestën që po mbahet poshtë banesës së ish-kryeministrit Sali Berisha.

Kaso tha se mazhoranca i ka hapur 3 beteja me drejtësinë opozitës, njëra prej të cilave është çështja e vulës dhe logos së PD-së.

Ai deklaroi se “gjykatat, të frikësuara, nuk kanë guxim për të dhënë një vendim përfundimtar për çështjen e Partisë Demokratike”.

Dy betejat tjera, sekretari për Çështjet Ligjore në PD deklaroi se janë mbajtja në qeli e Fredi Belerit dhe arresti i shtëpisë i ish-kryeminitrit Sali Berisha.

“Kjo është një strategji e qartë e pushtetit që sunon të mbajë të përçarë Partinë Demokratike dhe ta bëjë atë të merret me hallet dhe problemet e saj të brendshme, duke i pamundësuar asaj që të bëjë opozitë.

Beteja e tyre, sa politike po ashtu edhe ligjore, ka të bëjë me pengmarjen politike të kryetarit të zgjedhur të bashkisë së Himarës, të dalë nga koalicioni ‘Bashkë Fitojmë’ i cili është rrëmbyer politikisht me urdhër të shtetit thjeshtë dhe vetëm për një qëllim, që opozita ta ketë të pamundur të ndalë dorën e shtetit që synon të betonizojë të gjithë bregun e detit, të gjithë rivierën shqiptare në emër dhe përllogari të oligarkëve të krimit të organizuar.

Beteja e tretë dhe më e rëndësishmja ka të bëjë me përndjekjen politikisht të motivuar dhe me një proces i cili është fund e krye i sajuar nga Edi Rana, SPAK-u dhe nga gjithë ato vegla të tjera që synojnë ta mbajnë pushtetin akoma në fuqi me qëllim mbylljen e gojës së zërit më të fortë opozitar, të liderit historik të opozitës, Partisë Demokratike, kryetarit të saj, Prof. Dr. Sali Berishës”, theksoi Kaso./ CNA





Lajmet e fundit nga