LEXO PA REKLAMA!

SHKARKO APP

Mandati i Xhaçkës/ Kryetarja e Gjykatës Kushtetuese, qëndrim të ashpër ndaj socialistëve

5 Shkurt 2024, 10:43, Politikë CNA
Mandati i Xhaçkës/ Kryetarja e Gjykatës Kushtetuese,
Kryetarja e Gjykatës Kushtetuese, Holta Zaçaj

Kryetarja e Gjykatës Kushtetuese, Holta Zaçaj, ka mbajtur një qëndrim të ashpër ndaj mazhorancës në lidhje me çështjen e mandatit të ish-ministres Olta Xhaçka.

Zaçaj tha se nuk duhet vënë në pikëpyetje zbatimi i vendimeve të Gjykatës Kushtetuese, ndërsa e cilësoi një gjë të tillë si të paimagjinueshme për një shtet ligjor.

“Të vësh në pikëpyetje zbatimin e vendimeve të Gjykatës Kushtetuese, është e paimagjinueshme në një shtet ligjor. Duke pasur formën e ligjit dhe duke mos pasur asnjë ekuivok për të mos u zbatuar, gjykata Kushtetuese nuk ka mekanizma për të kontrolluar zbatueshmërinë e vendimeve”, deklaroi ajo.

Kujtojmë se Gjykata Kushtetuese i konsideron si antikushtetuese vendimet e Kuvendit për mandatin e deputetes Olta Xhaçka, pasi bashkëshorti i saj, Artan Gaçi u shpall “investitor strategjik” nga qeveria./ CNA

Lajmet e fundit nga