Misteri i pagesës 500.000 USD/ Pastrim parash apo tradhti ndaj atdheut

14 Shtator 2022, 14:53, Opinione Elvi FUNDO

Misteri i pagesës 500.000 USD/ Pastrim parash apo tradhti ndaj atdheut

Foto ilustruese

Në debatin e zhvilluar në vitin 2018, Basha ka deklaruar se shuma prej 500 mijë dollarësh është kryer nga një fondacion shqiptaro-amerikan, i cili ka bërë fund-reising midis shqiptarëve dhe me shumat e grumbulluara ka paguar Muzin.

Në listën e pagesave që deklaron Muzin si të kryera nga Biniatta (për llogari të PD) rezulton midis të tjerave një shumë prej 500.000 USD.

Muzin deklaron se PD-ja ka paguar 500 mijë dollarë, megjithëse për këtë shumë nuk ka asnjë kontratë të lidhur me PD-në për këtë qëllim.

Basha deklaron se 500 mijë dollarë janë pagesa nga një fondacion shqiptaro-amerikan, por nuk jep asnjë të dhënë identifikuese as për fondacionin, as për donatorët e tij.

Gjëja e rëndësishme në këtë deklarim është se Basha ka konfirmuar praktikisht, se pagesa e 500 mijë dollarëve është bërë në dobi të PD-së dhe se ai është në dijeni të saj.

Për këtë shumë përputhen deklarimet e Bashës dhe të Muzin.

Me këtë pohim Basha indirekt konfirmon se palët kanë qenë jo vetëm dakord për shumën, por edhe për modalitetet e pagesës ashtu siç ajo është bërë në fakt.

Ish kryetari, Lulzim Basha

Mjegulla që vetë Basha përhapi dikur rreth burimit nga ka ardhur kjo shumë, duket sikur zbulon se dhe Muzin dhe Basha e dinë se pagesa 500 mijë dollarë është e paligjshme për legjislacionin shqiptar ose/dhe për legjislacionin e SHBA-së.

Në të njëjtën logjikë, edhe shuma prej 500 mijë dollarësh, (pavarësisht se kush ka qenë burimi i financimit, Biniatta ose fondacioni anonim shqiptaro-amerikan), duhet t’i nënshtrohej jo vetëm raportimit, por eventualisht (nga faktet e reja te lidhura me pronësinë), ndalesave të rrepta ligjore.

Ligji shqiptar nuk lejon donacione në shuma më të mëdha se 1 milion lekë nga një burim i vetëm në fushatë dhe nuk lejon asnjë lloj donacioni pa plotësuar një seri kërkesash proceduriale si deklarimi me shkrim i donatorit, kanalizimi i donacionit në llogari të posacme bankare etj.

Misteri i pagesës 500.000 USD/ Pastrim parash apo tradhti ndaj atdheut

Sot shifra 500.000 usd rikthehet brenda një lajmi të ri. SHBA-ja deklaron se Rusia ka shpenzuar 500.000 dollarë për të mbështetur PD-në në zgjedhjet e vitit 2017.

“Një burim i administratës i njohur me gjetjet pretendoi se Rusia kishte shpenzuar rreth 500,000 dollarë për të mbështetur Partinë Demokratike të qendrës së djathtë të Shqipërisë në zgjedhjet e vitit 2017 dhe gjithashtu financoi partitë ose kandidatët në Bosnjë, Mal të Zi dhe Madagaskar, sipas agjencisë së lajmeve 'AFP'”.

Lul Basha nuk e tregoi kurrë emrin e donatorit të 500.000 dollarëve.

SHBA-ja deklaron se 500.000 dollarë janë financim rus pë partinë e Lul Bashës.