Lobimi rus për PD në SHBA/ Zbardhen detaje të reja për financimet e dyshimta

12 Mars 2018, 09:47, Aktualitet CNA

Në mbledhjen e grupit parlamentar të PS ?së, kreu i Grupi Parlamentar Taulant Balla , i ka kushtuar kohë PD dhe Lulzim Bashës për lobimet e dyshimta në SHBA.

Ai ka njoftuar deputetët për hapat që kanë ndërmarrë në lidhje më këtë skandal.

?PD e Shqipërisë dhe Lulzim Basha, janë përfshirë në një skemë financimi të dyfishtë. Janë dy investigime të pavaruara nga BIRN dhe Mother Jones, të cilat kanë hedhur dritë mbi përfshirjen e PD ?së, në një skemë financimi jotransprante. Së pari me burime të dyshimta që përfshijnë biznesmenë dhe rezidentë rus dhe së dyti me transaksione të paligjshme që përfshijnë kompani guacka offshore në ishujt Belize dhe Amerikën Qëndrore dhe së treti me mosdeklarime sipas ligjit për financimin në Shqipëri dhe Kodit Zgjedhor?, ka thënë Balla, ndërsa ka shtuar se i kanë kërkuar Bashës që të japë shpjegim si dhe Prokurorisë fillimin e një hetimi të plotë e të pavarur.

Më tej Balla, ka bërë një rezume të asaj çfarë ka ndodhur në lidhjet me lobimet e dyshimta të PD ?së, në SHBA.

Sipas investigimit të bazuar mbi dokumentet zyrtare të Departamentit Amerikan të Drejtësisë, Nick Muzin, lobuesi kryesor i demokratëve në SHBA, është paguar jo vetëm nga Partia Demokratike, por edhe nga një kompani fantazmë e regjistruar në Skoci, e quajtur ?Biniatta Trade?.

?Më 18 shkurt 2017 PD bojkotoi Kuvendin. Ka dyshime se u financua protesta tre mujore e opozitës kundër reformës në drejtësi.

Në prag të zgjedhjeve të 25 qershorit 2017, PD dhe Lulzim Basha lidhën dy kontrata me lobistin amerikan Nik Muzin në Uashington në mënyrë që të siguronin takime të nivelit të lartë me administratën e Trump. Kjo u bë nëpërmjet dy kontratave me “Biniatta Traide” në Skoci me një vlerë 675 mijë dollar?, ka thënë Balla.

Sipas Ballës, kontrata e depozituar në Departamentin e Drejtësisë nuk lë vend për dyshime.

“?Biniatta? ka paguar më 24 mars 2017, 150 mijë dollarë direkt për llogari të Partisë Demokratike si ?kompensim shpenzimesh për Muzin. Në vijim janë paguar edhe tre këste të tjera me nga 150 mijë dollarë secila, si dhe një pagesë fillestare prej 500 mijë dollarësh, në total 1 milion dollarë.

PD ka patur edhe një kontratë të drejtëpërdrejtë me një kompani tjetër që është raportuar në SHBA që ka marrë dy pagesa të tjera nga PD me vlerë 500 mijë dollarë.

Dy ditë përpara se të firmoste këto kontrata më 22 mars ka nëshkruar edhe një kontratë të veçantë. Të gjitha këto kapin vlerën e 820 mijë dollarë, shumë më shumë nga ç?ka deklaruar Basha në KQZ?, ka thënë ndër të tjera Balla.

Sipas tij e paqartë mbetet marrëshja mes PD dhe ?Biniatta Traide LP?.

?Pagesat për Biniatta Traide LP nuk janë deklaruar në KQZ. Si ka mundësi që PD ka paguar 500 mijë dollarë dhe në çfarë rrugësh i ka paguar?, ka shtruar pyetjen Balla./CNA.al