web counter
LEXO PA REKLAMA!

SHKARKO APP

App Store
Google Play

E fundit!

x

Klotilda Bushka, kandidatja e Veliajt që hetohet nga SPAK

1 Maj 2025, 17:41, Politikë CNA

Klotilda Bushka, kandidatja e Veliajt që hetohet nga SPAK

Kandidatja e Erion Veliajt, kryetarja e Komisionit të Ligjeve, numri dy i Parlamentit që prishte provat për një të pandehur, është nën hetim, sipas të dhënave të SPAK.

Bushka është thirrur në SPAK në datën 24 shkurt si e implikuar në çështjen Veliaj.

Sot Klotilda Bushka, kandidatja e Veliajt për Tiranën ka dalë në një nga mediat duke thënë se po hetohen kolegët e saj.

Madje ka deklaruar se në Shqipëri liria e shprehjes ngatërrohet me lirinë e shpifjes dhe nuk mbyllen dot gojët e njerëzve.

“Qytetarët që jetojnë në demokraci kanë lirinë e shprehjes. Në Shqipëri liria e shprehjes ngatërrohet me lirinë e shpifjes. Nuk mbyllen dot gojët e njerëzve. Unë jam shumë krenare për PS, e cila do të punojë fort për reformën në drejtësi. E mbështes reformën në drejtësi. Jemi të qartë që çdo pushtet bën punën e vet. Mendoj që ne na e vlerësojnë qytetarët punën tonë.

Nuk ndihemi mirë kur kemi kolegë nën hetim, por besoj te reforma në drejtësi. Dua të besoj te një drejtësi profesioniste ku respektohen të drejtat dhe liritë e njeriut. Do të punoj për reformën siç kam punuar gjithmonë”, tha Bushka ditën e sotme.

 

Në fakt personi që po hetohet nuk janë kolegët, por është direkt Klotilda Bushka, e cila po hetohet sipas Kodit të Procedurës Penale për veprën  “Veprime që pengojnë zbulimin e së vërtetës”.

“Prokuroria e Posaçme po kryen hetime paraprake ndaj deputetes së Kuvendit të Shqipërisë, shtetases K. B. Emri i kësaj të fundit është regjistruar në regjistrin përkatës të njoftimeve si person i dyshuar për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal. Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim K. B. ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024”, thuhej në njoftimin e SPAK-ut.

 

 

Klotida Bushka po përpiqet të gënjejë dhe nuk e kanë fajin as mediat, as demokracia, as hapsira e ligjit.

Klotilda Bushka, kandidatja e Veliajt që hetohet nga SPAK

Klotilda Bushka, kandidatja e Veliajt që hetohet nga SPAK

Klotilda Bushka, kandidatja e Veliajt që hetohet nga SPAK

Ligjin e ka shkelur Klotida Bushka se ka dashur të prishë provat. Moralisht Klotilda Bushka nuk duhet të ishte kandidate deri sa të pastronte figurën e saj dhe jo më të dalë ekraneve e të bëjë llogje edhe të shesë sikur janë të tjerët persona nën hetim.

Kur në fakt personi nën hetim, përveç Erion Veliajt është dhe Klotilda Bushka e shumë të tjerë./ CNA

 





Lajmet e fundit nga