web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta e PPE-së/ Berisha: Regjimi i Ramës dhe klika e tij u denoncuan si armiq të egër të votës së lirë

1 Maj 2025, 11:23, Politikë CNA

Rezoluta e PPE-së/ Berisha: Regjimi i Ramës dhe klika e tij u

Kreu i Partisë Demokratike, Sali Berisha, zhvilloi sot një takim zgjedhor në Librazhd për prezantimin e programit të “PD-Aleanca për Shqipërinë Madhështore”. Në nisje të fjalës së tij, Berisha u ndal te rezuluta e PPE-së për Shqipërinë.

Berisha tha se në Kongres denoncuan Edi Ramën dhe klikën e tij si armiq të egër të votës së lirë të shqiptarëve.

Berisha u shpreh se PD po shkon në datën 11 maj në zgjedhje e sigurt në një fitore të thellë.

Berisha u zotua se me programin e PD-së do t'u kthehen paratë qytetarëve shqiptarë dhe se brenda 100 ditëve të para nuk do ketë kurrë një pension nën 200 euro.

“Ju sjell përshëndetjet më të përzemërta nga Kongresi i Partisë Popullore Europiane, partisë më të fuqishme që qeveris sot me 14 kryeministra, drejton Komisionin Europian, Parlamentin Europian, të cilët dje votuan me unanimitet një rezolutë në mbështetje të secilit prej jush, të votës suaj, të fitores së PD-së dhe denoncuan Edi Ramën, klikën e tij si armiq të egër të votës së lirë të shqiptarëve.

Pra, ne shkojmë në datën 11 maj në zgjedhje të sigurt në një fitore të thellë, në një fitore me të cilën qytetarët e Librazhdit dhe mbarë Shqipërisë, votojnë për veten e tyre, për familjen e tyre, për të ardhmen e tyre, të ardhmen e Librazhdit dhe gjithë Shqipërisë.

Unë jam këtu për t’u zotuar para jush se me programin tonë ne do t'u kthejmë paratë qytetarëve shqiptarë dhe se çdo pensionist, në këtë rreth, në këtë qark, në Shqipëri, brenda 100 ditëve të para nuk do ketë kurrë një pension nën 200 euro.

Do vendosim minimumin jetik prej 200 eurosh, i cili përmirëson gjendjen e 560 mijë pensionistëve me pensione nën 170 euro.

Minimumi jetik do t'u jepet të gjithë shqiptarëve në ndihmë ekonomike, të gjithë të papunëve, të gjithë studentëve me brusë dhe prindërve me një fëmijë.

100 ditët e para ne nxjerrim shqiptarët nga varfëria e skajshme.

Dhe jo vetëm kaq, por çdo shqiptari me rrogë të ulët 500 euro, çdo pensionisti ne i japim kartën e konsumatorit me të cilën ai do blejë ushqimet dhe gjërat bazë 20 përqind më lirë se të tjerët, çka do të thotë se do marrë në vit 450 euro kompensim.

Në 100 ditët e para, çmimi i naftës do ulet me 40 për qind, nuk do shitet kurrë më shumë se minus/plus 10 për qind të çmimit në Maqedoni dhe Kosovë.

Miq, pra ne i japim një goditje përfundimtare mjerimit apo varfërisë ekstreme. Nuk do ketë shqiptar që të ketë nën 6.3 euro në ditë.

Me programin tonë, Aleanca për Shqipërinë Madhështore do t’i japë biznesit një frymëmarrje të re të fuqishme”,-tha Berisha./CNA

 

 





Lajmet e fundit nga