web counter
LEXO PA REKLAMA!

SHKARKO APP

App Store
Google Play

“Rama po tallet me shqiptarët”/ Berisha: PD ka programin e ndryshimit të Shqipërisë

30 Prill 2025, 21:10, Politikë CNA

“Rama po tallet me shqiptarët”/ Berisha: PD ka programin e

Kreu i Partisë Demokratike, Sali Berisha zhvilloi sot një takim elektoral me banorët në njësinë nr.14 në Tiranë. Nga Astiri, Berisha tha se shkaku kryesor i largimit të shqiptarëve është varfëria.

Berisha tha se Rama si i papërgjegjshëm, vërtitet nga një shesh në tjetrin, duke u thënë se është ulur papunësia në mënyrë të ndjeshme.

Berisha u shpreh se programi i PD-së është programi i ndryshimit të Shqipërisë.

Kryedemokrati shtoi se që të ndodhë ky ndryshim, shqiptarët duhet të votojnë me datën 11 maj ndryshimin dhe rotacionin.

“Kombi po boshatiset. Shkaku kryesor i këtij largimi masiv është varfëria, është papunësia. Ju lutem, i dëgjoni pak Edi Ramën dhe ministrat e tij çfarë thonë. Dje sikur fliste përçart. Punësimi, thoshte, është rritur dhe papunësinë do e zbresim në 6 përqind.

U garantoj se vetëm në 10 vite kanë ikur 600 mijë të rinj, 600 mijë krahë pune. Ky i pamëshirë tallet me shqiptarët. Ua them unë, merrni statistikat, prodhimi ka 3 vite që bie në mënyrë dramatike nga viti në vit. Eksportet nga viti 2023 në vitin 2024, sipas statistikave të tij që ai nuk i lexon, ra me 32 përqind. Kjo do të thotë se të paktën, minimumi 50-60 mijë shqiptarë humbën vendet e punës dhe i punësoi Edi Rama në Greqi, Itali, Gjermani dhe vendet e tjera.

Pra, vendet e punës shkatërrohen, ndërmarrjet falimentojnë nga rënia e euros, kurse ai i papërgjegjshëm vërtitet nga një shesh në tjetër duke u thënë se është ulur papunësia në mënyrë të ndjeshme, se janë punësuar aq e kaq, në një kohë kur të gjithë punësohen në dhera të tjera, në vende të tjera.

Miqtë e mi, programi ynë është programi i ndryshimit të Shqipërisë. Programi me të cilin ne do vendosim minimumin jetik 200 euro. Shqipëria është e pasur, shqiptarët kanë mundësi të jetojnë në mirëqenie dhe begati.

Kanë mundësi të ndërtojnë të ardhmen e tyre në këtë vend të bekuar, por duhet të çlirohen, duhet të votojnë me datën 11 maj ndryshimin, rotacionin”,-tha Berisha./CNA





Lajmet e fundit nga