web counter
LEXO PA REKLAMA!

SHKARKO APP

App Store
Google Play

E fundit!

x

“Kapitulli i Ramës është i mbyllur, nuk ka mundësi të telefonojë asnjë personazh të politikës”/ Nard Ndoka, intervistë për CNA

30 Prill 2025, 14:58, Politikë CNA

“Kapitulli i Ramës është i mbyllur, nuk ka mundësi

Kryetari i Partisë Demokristiane, Nard Ndoka, ka dhënë një intervistë për CNA, ku ka folur për moskandidimin e tij në zgjedhjet e 11 majit dhe pritshmëritë e opozitës.

Ndoka tha se ishte momenti i duhur për të mos kandiduar më për deputet, pas 5 mandatesh në Parlament. Kjo tërheqje e tij, Ndoka tha se krijon pak problem për PDK-në.

Gjithashtu ai u ndal dhe te programet e dy partive kryesore, PD dhe PS. Kreu i PDK-së tha se programi i opozitës është programi më i mirë që ka pasur në 34 vite dhe është lehtëësisht i realizueshëm. Ndërsa sa i përket programit të PS-së u shpreh se në 3 mandate nuk ka realizuar asgjë.

 

Pse keni vendosur të largoheni nga politika aktive?

 

Kam një jetë të tërë në politikë. Jam zgjedhur 5 herë deputet, besoj se ishte momenti për të marrë një vendim të tillë. Japim kontribut në çdo qark të vendit, kjo mjafton për momentin.

 

 

Përbën largimi juaj një problem për të djathtën?

 

Krijon një problem për PDK-në, por gjithsesi kur je prezent nuk është vetëm Parlamenti që e bën interesante një forcë politike. Prezenca në Parlament më shumë të bën pis sesa të jep mundësi.

 

Programet elektorale të PD-së dhe PS-së, bashkohen në një pikë, ekonomia. Kë duhet të besojnë shqiptarët?

Është e rëndësishme që në një fushatë të ballafaqohen idetë, programet. Kjo për fat të keq nuk ka ndodhur. Mazhoranca e ka mbyllur mundësinë e ballafaqimit, Rama e ka kaluar me vetëdije të plotë. Është e domosdoshme që dy liderët të dalin përpara mediave. Rama e ka shmangur sepse ka një konsum të jashtëzakonshëm, afera. Nuk ka arritje, nuk ka bilanc në këto 12 vite, ka gropa që ka hapur gjithandej.

Edi Rama pret gjykimin për këto 3 mandate. Pritet një lloj shpagimi nga qytetarët. Kur s'i ka realizuar për 3 mandate thjesht bëhet një pengesë për vendin. Nuk ia vlen për qytetarët asnjë lloj premtimi.

 

Opozita si asnjëherë tjetër, me 1 program realisht të djathtë. PD për fatin e mirë u është kthyer vlerave të familjes, rolit të saj. E rëndësishme në këtë tronditje globale që bota pati, zhbërja e politikave të familjes tradicionale. Në 30 vite nuk ka pasur një program kaq të prekshëm për qytetarët, duke e vënë theksin tek ekonomia.

Meriton një vëmendje të jashtëzakonshme programi i opozitës në këtë fushatë. Ato që janë premtuar janë në mënyrë të logjikshme. Ka një epërsi akoma më të madhe. Berisha masën e besueshmërisë te qytetarët e ka shumë të madhe, dhe tek elektorati i majtë. Rama një demagog, nuk ka bërë ato që ka premtuar, si uji 24 orë apo infrastruktura për bujqësinë.

 

Europa na sheh ndryshe. Një status për kandidat për t’u anëtarësuar.

Rama kishte influencën e Soros-it duke ndikuar edhe te DASH-i. Sot kemi një realitet tjetër. Opozita dhe PD muajt e fundit ka pasur mbështetjen më të madhe të 30 viteve të fundit. Kanë arritur të ndërgjegjësojnë dhe vendet partnere të BE-së. Kemi ndryshim kursi në raport me SHBA-në.

Do të ketë lajme surprizë dhe në ditët që vijnë. Nuk ka asnjë arritje në 12 vite Rama në fushën e integrimit.

Kapitulli i Ramës është i mbyllur, nuk ka mundësi të telefonojë asnjë personazh të politikës ndërkombëtare. Është një person i izoluar./ CNA

 

 

 





Lajmet e fundit nga