E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Kontrata e lobimit/ Topalli: E kemi sqaruar, s'kam asgjë më shumë

30 Prill 2025, 12:22, Politikë CNA

Kontrata e lobimit/ Topalli: E kemi sqaruar, s'kam asgjë më
Drejtuesja politike e PD-së për Diasporën, Jozefina Topalli, ka zhvilluar një konferencë për mediat së bashku me drejtuesin e Departamentit të Drejtësisë, Franc Nuri, në lidhje me votën e emigrantëve.

Topalli gjatë konferencës u pyet nga gazetarët për kontratën e lobimit të PD-së. Topalli iu përgjigj pyetjes duke thënë se detyra e saj në PD është tjetër dhe për këtë çështje PD ka dhënë sqarimin e saj. Më tej Topalli tha se nuk ka asgjë më shumë për të shtuar nga sqarimi i PD-së.

“Detyra ime është tjetër. PD e ka sqaruar dhe s’kam asgjë më shumë”, tha Topalli.

Më herët në një reagim të bërë ndaj kontratës, Partia Demokratike thekson se nuk ka asnjë barrë financiare apo detyrim kontraktual që lind nga kjo marrëveshje.

“Në lidhje mbi një informacion të shperndarë në media për lobimin e PD pranë Qeverisë dhe Kongresit të SHBA dëshirojmë të sqarojmë sa vijon:

Komuniteti shqiptaro amerikan përmes fondacionit “Make Albania Great Again” ka kontraktuar kompaninë “Continental” për të ndihmuar në konsolidimin e marrëdhënieve miqësore të Partisë Demokratike si forca më e madhe opozitare me Kongresin dhe Qeverinë e SHBA. Synimi i bashkëatdhetarëve tanë në SHBA është bashkëpunimi i PD me aleatin kryesor të Shqipërisë për të rivendosur demokracinë funksionale dhe shtetin e të drejtës në Shqipëri.

Kompania “Continental” drejtohet nga Ambasadori Carlos Trujillo i cili njihet gjithashtu dhe si avokat i Presidentit Trump dhe si antikomunist i palëkundur në qëndrimet e tij!

Kontributi financiar për realizimin e këtij qëllimi është marrë përsipër 100% nga patriotë shqiptarë që jetojnë dhe punojnë prej dekadash në SHBA si dhe demokratë të tjerë të larguar nga Shqipëria këto 10 vite për shkak të regjimit të Edi Ramës!

Partia Demokratike duke falenderuar demokratët antikomuniste të komunitetit shqiptaro - amerikan për bujarinë dhe e patriotizmin e tyre sqaron opinionin publik se ndonëse ka dhënë dakordësinë për marrjen e këtij shërbimi në përputhje të plotë me ligjet e të dy vendeve, nuk ka asnjë barrë financiare apo detyrim kontraktual që lind nga kjo marrëveshje”, thuhet në deklaratë./ CNA