web counter
LEXO PA REKLAMA!

SHKARKO APP

App Store
Google Play

E fundit!

x

Lobimi i PD/ Balla: “Non grata”, njollë që nuk hiqet kurrë

29 Prill 2025, 20:55, Politikë CNA

Lobimi i PD/ Balla: “Non grata”, njollë që nuk hiqet

Drejtuesi Politik i Partisë Socialiste për Diasporën, Taulant Balla, foli për lajmin e lobimit prej 6 milionë dollarësh të Berishës në SHBA, që sipas tij është për të hequr një njollë që nuk mund të zhduket kurrë.

Balla foli nga sheshi Omonia në Athinë, ku tha se PS ka pasur gjithmonë një lidhje të fortë me diasporën. PS është e vetmja parti që ka pasur një kontakt të vazhdueshëm me diasporën në Greqi, tha Balla në një intervistë.

Balla u bëri thirrje të gjithë shqiptarëve në Greqi dhe më gjerë që të votojnë më 11 maj për të përmbyllur rrugëtimin europian të Shqipërisë.

Balla theksoi se diaspora është më e aftë të kuptojë ndryshimin e madh që ka ndodhur në vend, pasi diaspora e prek çdo ditë këtë opinion.

“Si ka mundësi, ku i gjen Sali Berisha 6 milionë dollarë për të paguar për të hequr ‘njollën’?! Si ka mundësi që një politikan që është nën akuzë për korrupsion, SHBA e shpallën non grata pikërisht për korrupsionin në shuma të mëdha dhe në sabotimin e demokracisë, sot ky njeri, pa asnjë lloj shpjegimi nxjerr 6 milionë dollarë. Ku i gjeti këto para, për të hequr këtë njollë të zezë, edhe pse ju e dini fare mirë që kjo lloj njolle nuk hiqet kurrë. Në 2013-ën, diaspora pati rol të rëndësishëm në atë fitore historike të PS-së për të rrëzuar regjimin e Sali Berishës në atë kohë. Prej sheshit Omonia i drejtohem të gjithë bashkatdhetarëve tanë, jo vetëm këtu në Athinë, por në të gjithë Greqinë dhe botën, që sot kemi arritur në finishin e asaj që kemi nisur. E nisëm për ta kërkuar Shqipërinë si gjithë Europa dhe vota juaj më 11 maj është pikërisht vota që do t’i bëjë shqiptarët krenarë për ta parë flamurin tonë kuqezi në mes të Brukselit. Falënderoj diasporën e Greqisë për mbështetjen e jashtëzakonshme që i ka dhënë gjithmonë PS-së. Ju e përmendët në 2013 sa shqiptarë u nisën drejt Shqipërisë për të votuar PS-në, dhe sot çdo votë e juaja është një votë shumë e rëndësishme për ta përmbyllur rrugën europiane, që t’i japim fëmijëve tuaj në Greqi pasaportën europiane. Prej vitit 2022 kemi çelur bisedimet me qeverinë Micotaqis për t’i dhënë përfundim dhe njohjes së kontributit të çdo bashkatdhetari, që t’i njihen vitet e punës për efekt pensioni. Përfitimi i drejtpërdrejtë i bashkatdhetarëve tanë është se me pasaportën e BE-së të gjitha problematikat përfundojnë. Nuk duhet parë si një ëndërr si në ’91–’92. Tani jemi veç një hap larg dhe do ta kryejmë në 2026–2027. Na duhet të presim dhe 2–3 vjet. Përshtypja ime e këtyre takimeve është që diaspora di ta bëjë shumë mirë diferencën dhe di të kuptojë që vota më 11 maj është një zgjidhje mes Europës dhe gropës. Këtu ka dy oferta: një me PS dhe Edi Ramën për ta mbyllur përfundimisht procesin e anëtarësimit në BE, dhe një palë tjetër. Unë nuk i shoh të ndara PD nga partitë e vogla. Një pjesë e tyre janë pjellë e PD-së. Çdo votë, qoftë te bufi, apo te anëtarët e tjerë të kënetës, është votë në kënetë. Sali Berisha është kënetë. Është bufi i kënetës që duhet tharë më 11 maj. Kjo është një domosdoshmëri historike. 11 maji duhet të shërbejë si moment historik dhe për PD-në për të shpëtuar nga një ish-sekretar partie”, tha Balla./ CNA

 





Lajmet e fundit nga