“Qeveria dështoi me masat për arsimin”/ Eksperti: Me pasaportën europiane u thotë bëni gati valixhet

1 Maj 2025, 10:19, Politikë CNA

“Qeveria dështoi me masat për arsimin”/ Eksperti: Me

Eksperti i Arsimit, Ndriçim Mehmeti, ka folur për problematikat e hasura në arsim dhe si është menaxhuar ky sektor nga qeveria.

Në një intervistë për CNA, eksperti Mehmeti është shprehur se qeveria ka dështuar pasi ka marrë masa kuturu pa asnjë lloj studimi për arsimin.

Eksperti theksoi se edhe përpjekjet e zonjës Kushi për të rritur pjesëmarrjen në degë të ashtuquajtura prioritare që nuk u bënë kurrë prioritare, nuk patën efekt pasi u tha se do të përfitojnë edhe ata me mesatare 7.5, përfituar vetëm ata me mesatare 9.5 dhe lart.

Ndër të tjera, eksperti komentoi edhe premtimin e qeverisë për pasaportën europiane, duke thënë se pasi dështoi me masat që pretendohej të reformonin arsimin tani u thotë studentëve merrni valixhet dhe shkoni jashtë vendit.

Ai shtoi se qeveria po i përzë studentët dhe kjo është e papranueshme.

“Po të shihni një seri masash që ka prezantuar qeveria, që me zonjën Shahini që është harruar sot si ministre e Arsimit se ajo e solli si ide, se nga e mori nuk e di. Masat që ajo mori jo vetëm sollën një ulje drastike të numrit të studentëve, por nuk sollën cilësi. Edhe përpjekjet e zonjësh Kushi për të rritur pjesëmarrjen në degë të ashtuquajtura prioritare që nuk u bënë kurrë prioritare, nuk patën efeket pasi u tha se do të përfitojnë edhe ata me mesatare 7.5, përfituar vetëm ata me mesatare 9.5 dhe lart. Qeveria mori masa kuturu pa asnjë lloj studimi duke rezultuar në një dështim të suksesshëm dhe e bëri këtë për të harruar atë që ishte dështimi më i madh, pakti për universitetin që funksionoi shumë pak ndërsa tani del një teori tjetër që ne do t’i bëjmë studentët tanë si europianë. Këtë s'e kuptoj dot. Studentët tanë kanë vite që lëvizin me programin ERASMUS. Që prej 1993 shkojnë në Itali dhe trajtohen madje edhe me mbështetje financiare, shkojnë në Gjermani fitojnë bursa, shkojnë në SHBA fitojnë bursa. Kanë të drejtë në bazë të faktit se jemi vend me status kandidat për në Europë dhe mund të shkojnë edhe në vite të ndërmjetme për të ndjekur studimet jashtë vendit, sigurisht ka një problem që janë tarifat. Janë shumë më të lira kur je qytetar i BE-së. Por nuk e ka penguar kjo. Nuk mund t’u thuash tani studentëve ne dështuam tani bëni gati valixhet, po ju japim një pasaportë europiane dhe shkoni jashtë vendit. Ne po i përzëmë studentët tanë. Është krejtësisht e papranueshme”, tha eksperti Ndriçim Mehmeti për CNA./ CNA