Për kë do të votojnë qytetarët e Qarkut Tiranë, sipas matjes së tretë

1 Maj 2025, 08:25, Politikë CNA

Për kë do të votojnë qytetarët e Qarkut Tiranë,

Pas matjeve në muajin shkurt dhe mars, Barometri Euronews Albania ka zhvilluar matjen e tretë zgjedhore për Qarkun e Tiranës në muajin prill.

Metodologjia e përdorur është sërish si në matjet e mëparshme kampion rastësor i shtresëzuar (referuar njësive administrative) dhe madhësia e kampionit ka qenë 1000 qytetarë të pyetur në gjithë territorin e Qarkut Tiranë, ballë për ballë.

Periudha kohore e mbledhjes së të dhënave për matjen e tretë zgjedhore të Barometrit Euronews Albania në Qarkun e Tiranës është 11 prill – 22 prill 2025 dhe marzhi i gabimit është +/-3.1%.

Matja e tretë politike për Qarkun e Tiranës nga Barometri sjell edhe rezultatin e prirjes së votës sipas mendimit të qytetarëve që janë pyetur.

Sipas këtij rezultati: Nëse zgjedhjet do të zhvilloheshin sot (11-22 prill):

39.3 % e të pyeturve do të votonin Partinë Socialiste.

26 % do të votonin ASHM-Sali Berisha.

7.4 % e të pyeturve do të votonin Partinë Mundësia.

6.5 % do të votonin Nisma – Shqipëria Bëhet.

3.4 % do të votonin Lëvizjen Bashkë.

1 % do të votonin KEA-Lulzim Basha.

15 % e të pyeturve janë ende të pavendosur se për kë do të votonin.

Nëse krahasojmë të dhënat e tri matjeve për Qarkun e Tiranës dhe prirjen e votës si rezultat kuptojmë që: ka një rritje të lehtë të PS-së, ASHM, Mundësia, Nisma–ShB në prirjen e votës, ruan të njëjtat shifra Lëvizja Bashkë, dhe të pavendosurit bien dukshëm në matjen e tretë ( 23.9 % shkurt /17.9 % mars /15 % prill).

Nisur nga këto të dhëna të prirjes së votës në matjen e tretë politike për Qarkun e Tiranës, Barometri sjell projeksionin e votës ose potencialisht si mund të ndahet vota e Qarkut të Tiranës nga subjektet që janë në garë.

Për kë do të votojnë qytetarët e Qarkut Tiranë,