web counter
LEXO PA REKLAMA!

SHKARKO APP

App Store
Google Play

“Qeveria nuk ka investuar asnjë qindarkë”/ Berisha: Rama e shkretoi kombin

1 Maj 2025, 13:41, Politikë CNA

“Qeveria nuk ka investuar asnjë qindarkë”/ Berisha: Rama e

Kreu i Partisë Demokratike, Sali Berisha, zhvilloi sot një takim zgjedhor në qytetin e Belshit. Në fjalën e tij, Berisha tha se qeveria aktuale nuk ka investuar asnjë qindarkë për prodhimet bujqësore.

Berisha u shpreh se Rama e shkretoi kombin, në kuptimin që shqiptarët u larguan masivisht nga Shqipëria.

Berisha tha se programi i PD-së për biznesin është për klimën më miqësore ndaj sektorit.

Berisha shtoi se Shqipëria do ketë një seri zonash industriale dhe të rrisë motorët e punësimit.

“Sa la në buxhetin 8 miliardë Edi Rama? 32 milionë për rreth 390 mijë fermerë. Shuma më qesharake. 230 milionë ka Maqedonia vetëm subvencionet. Ju garantoj se subvencioni i fermerit shqiptar do jetë identik me fermerët e rajonit. Prodhimet tuaja do mbrohen në çdo sezon.

A kanë investuar ndonjë qindarkë? Asnjë qindarkë. Ju garantoj se mandatin e ardhshëm, Dumreja dhe e gjithë zona do përfitojnë nga vaditja nga ujërat e hidrocentralit të Banjës.

Ky e shkretoi kombin. Shkretim në kuptimin që shqiptarët u larguan masivisht nga Shqipëria. Nga Dumreja kanë ikur rreth 60 për qind e banorëve të saj. Dhe tani patronazhistët nga rrethet e tjera kanë lëshuar dhe marrin tokat tuaja.

Unë u them këtu, larg duart nga tokat e Dumresë se në mënyrë absolute as një metër katrorë tokë, çka nuk është banor i Dumresë, nuk do t’i njihet.

Dokumentet do të jenë ato që keni ju dhe çdo tjetër, çdo patronazhist që vjen, do të largohet dhe do të dënohet për vepër kriminale.

Miqtë e mi, programi ynë për biznesin është për klimën më miqësore. Unë garantoj bizneset e vogla se energjia do të shitet me 6 lekë nga 18 që e blejnë sot. Tarifa e ujit do përgjysmohet. Tarifat e sipërfaqes publike do të pjesëtohen me 5. Tavanet për TVSH-në dhe tatim-fitimin do rriten në 180 mijë euro.

Pra, një hapësirë e re për biznesin e vogël. Për bizneset e tjera, taksa e sheshtë 10 për qind. TVSH 15 për qind. Energjia 6 lekë. Shqipëria do ketë një seri zonash industriale. Vendi me tërheqës për investimet e huaja. Motorët e punësimit të shqiptarëve dhe rritjes së mirëqenies do ndizen me të gjithë fuqinë. Kështu që ne ecim të sigurt drejt Belshit madhështor, Elbasanit madhështor, Shqipërisë madhështore”,-tha Berisha./CNA





Lajmet e fundit nga