web counter
LEXO PA REKLAMA!

SHKARKO APP

App Store
Google Play

“Administrata të ndjekë ligjin zgjedhor”/ Berisha, në Belsh: PD ka program për çdo shqiptar

1 Maj 2025, 13:13, Politikë CNA

“Administrata të ndjekë ligjin zgjedhor”/ Berisha, në

Kreu i Partisë Demokratike, Sali Berisha, zhvilloi sot një takim zgjedhor në qytetin e Belshit. Berisha prezantoi programin dhe kandidatët e ‘PD-Aleanca për Shqipërinë Madhështore’.

Në fjalën e tij, Berisha u bëri thirrje punonjësve të adminstratës të ndjekin ligjin zgjedhor, që i ndalon ata të jenë aktivë në fushatë.

Berisha u shpreh se programi i PD-së është një program për çdo shqiptar.

Berisha tha se PD ka dy synime: t’u kthejë paratë qytetarëve shqiptarë dhe t'u ofrojë një mundësi të re për secilin prej qytetarëve.

“Jeni dëshmi e shkërmoqjes para disfatës e Edi Ramës dhe regjimit të tij. Unë u them atyre se jeni patriotë të vërtetë dhe ne na bashkon dashuria për Shqipërinë, për vlerat që ndajmë njëri me tjetrin. Dhe i garantoj se ky program është program për çdo shqiptar.

Është program që synon të ndryshojë jetën për mirë të çdo qytetari shqiptar.

Me këtë rast, edhe njëherë i bëj thirrje administratës, çdo punonjës t’i qëndrojë besnik ligjit, t’ju shërbejë ju në përputhje me ligjin dhe ne e konsiderojmë atë shërbëtor të vyer të shtetit.

Natyrisht ata që zgjedhin patronazhistin, ata janë terroristë elektoralë, do ndiqen gjithë jetën për krimin antidemokratik që kanë kryer.

Miqtë e mi, unë vij sot tek ju për të parashtruar projektin tonë,  i cili ka dy qëllime madhore.

Së pari, t’ju kthejë paratë ju, qytetarëve shqiptarë, t’ju kthejë taksat ju në rroga, pensione, mbështetje ekonomike, mbështetje papunësie, shërbime shëndetësore, shërbime arsimore, infrastrukturë.

Së dyti, një mundësi të re për secilin prej jush.

Në këtë mënyrë ne jemi të bindur se ecim drejt Dumresë madhështore, Cërrikut madhështor, Elbasanit madhështor dhe Shqipërisë madhështore.

Ndaj dhe ne në 100 ditët e para, jua them këtu, ne betejën më të egër me të këqijat që kanë zënë këtë vend do ta kemi 100 ditët e para. Do t'i mundim ato.

100 ditët e para ne zotohemi para jush se do vendosim minimumin jetik për çdo shqiptar, për çdo pensionist që merr nën 200 euro. Dhe sot janë 560 mijë pensionistë me pensione jo të plota, por të pjesshme, çka do të thotë se marrin nën 172 euro. Që të gjithë këta do marrin 200 euro.

200 euro do marrë çdo qytetar i papunë dhe çdo qytetar në ndihmë ekonomike, çdo student me bursë dhe çdo fëmijë që jeton në familje me një prind, çdo jetim.

Në këtë mënyrë ne nxjerrim jashtë varfërisë ekstreme çdo qytetar shqiptar, përjashtojmë nga Shqipëria mjerimin”,-tha Berisha./CNA





Lajmet e fundit nga