E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Fatmir Xhafaj sulmon ILD-në me pseudonimin "Plarent Ndreca"

5 Qershor 2025, 14:00, Politikë CNA

Fatmir Xhafaj

Menjëherë sapo u miratua kalendari i raportimit të institucioneve të pavarura në Kuvend, Plarent Ndreca publikoi një status në faqen e tij të Facebook.

Plarenti njoftonte se si pas 2 shkresash më në fund Inspektori i Lartë i Drejtësisë i ish përgjigjur atij për çështje që ai kish ngritur si shqetësime të drejtësisë.

Plarent Ndreca është subjekt i shqyrtimit nga SPAK për një tender uniformash gjatë kohës që ai ushtronte detyrën e Sekretarit të përgjithshëm.

Rreth 4 orë në SPAK/ Plarent Ndreca: Më kanë komunikuar akuzë
15 Nëntor, 16:59
Dokumentat/ Plarent Ndreca nën hetim nga SPAK
19 Tetor, 20:06

Megjithëse subjekt i SPAK personalisht, Plarenti debatin ku është vetëpërfshirë me Inspektorin e Lartë të Drejtësisë e konsideron një debat institucional për mosveprimin e këtij të fundit ndaj shkeljeve të rënda kushtetuese nga institucionet e drejtësisë.

"Pas një heshtjeje të gjatë dhe pas dy shkresave të mia - thotë Plarenti - më në fund ka ardhur një përgjigje shkresore nga ILD."

Por është interesant fakti që Ndreca megjithëse njofton gjithë dynjanë për përgjigjen e Inspektorit të Lartë të Drejtësisë, publikon shkresën e vet por jo përgjigjen e marrë nga Inpektori i sulmuar për mosveprim.

Dhe mirë bën Plarenti se na fokuson më mirë tek teksti i firmosur si duket prej tij.

Nëse lexon 10 faqet e shkresës që Plarenti ka firmosur e kupton se atë tekst nuk e ka shkruar as deputeti e as i akuzuari Plarent.

10 faqet janë fjali, shprehje, "analiza", akuza, paragrafe, qëmtime dhe përmbledhje të vetëm një individi që është edhe ai deputet. Quhet Fatmir Xhafaj.

Dhe si zakonisht me stilin hidh gurin e fshih dorën, ka shkruar me pseudonim.

Pseudonimi kësaj radhe është "Plarent Ndreca".

Mbetet të shihet se cilin pseudonim do përdorë Fatmir Xhafaj me legjislaturën e re.

Vështirë që do gjejë një "Plarent" tjetër që ta shesë llagapin kaq lirë./ CNA