web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i PD-ASHM kërkon hapjen dhe rinumërimin e kutive të votimit për Tiranën

4 Qershor 2025, 17:05, Politikë CNA

Kandidati i PD-ASHM kërkon hapjen dhe rinumërimin e kutive të

Kandidati për Qarkun Tiranë në zgjedhjet e 11 majit, që garoi nën siglën e PD-Aleanca për Shqipërinë Madhështore dhe i njohur si kushëriri i ish-kryebashkiakut Elvis Roshi, Elton Roshi, ka kërkuar nga KQZ dhe KAS rrëzimin e miratimit të tabelave përmbledhëse të këtij qarku.

Bazuar në kërkesë, Roshi ka kërkuar edhe hapjen dhe rinumërimin e kutive të votimit.

Kandidati i PD-ASHM kërkon hapjen dhe rinumërimin e kutive të
Elton Roshi dhe Elvis Roshi

“Të nderuar anëtarë të Komisionit Qendror të Zgjedhjeve,

Të nderuar anëtarë të Komisionit të Ankesave dhe Sanksioneve,

Partia Agrare Ambientaliste (PAA), subjekt zgjedhor pjesëmarrës në zgjedhjet e 11 majit 2025, nëpërmjet kandidatit të saj z. Elton Roshi në Qarkun Tiranë, kundërshton miratimin e tabelave përmbledhëse të rezultateve për këtë qark dhe kërkon hapjen dhe rinumërimin e kutive të votimit në të gjitha KZAZ-të e Qarkut Tiranë, përjashtuar Bashkitë Vorë, Rrogozhinë dhe Kavajë, ku nuk janë evidentuar parregullsi që kërkojnë verifikim.

Në disa qendra votimi të KZAZ-ve në Tiranë, vëzhguesit tanë kanë konstatuar mospërputhje midis votave të lexuara në ekran për kandidatin Elton Roshi dhe të dhënave të pasqyruara në procesverbalet përfundimtare të tabelimit.

Këto shqetësime janë ngritur menjëherë gjatë procesit të numërimit, por komisionet lokale kanë refuzuar ndërhyrjen, duke na orientuar për ankesë pranë KQZ-së.

Në përputhje me nenin 145 dhe 146 të Kodit Zgjedhor, subjekti ynë ka të drejtë të kërkojë hapje dhe rinumërim të kutive ku ekzistojnë dyshime të arsyeshme për mospërputhje. Kërkojmë gjithashtu afat të arsyeshëm për të përfunduar shqyrtimin e pamjeve filmike, përpara se të nisë shqyrtimi i ankesës në seancë.

Rezervojmë të drejtën për të shtuar argumente dhe prova shtesë deri në ditën e shqyrtimit të kërkesës”,-shkruhet në kërkesë./CNA





Lajmet e fundit nga