web counter
LEXO PA REKLAMA!

SHKARKO APP

App Store
Google Play

Deputeti i PD-së del kundër Berishës: Jepi drejtim, tërhiqu, lëre garën të lirë

5 Qershor 2025, 12:39, Politikë CNA

Deputeti i PD-së del kundër Berishës: Jepi drejtim, tërhiqu,

Deputeti i PD-së Dashnor Sula i është drejtuar me një thirrje kreut të PD-së Sali Berisha që pas humbjes në 11 Maj të tërhiqet nga drejtimi i PD.

Sula tha se është momenti për t’i hapur rrugën shpëtimit të PD-së, jo siç bëri në 2013 kur partinë ia dorëzoi benjanimin të tij Lulzim Bashës dhe i shkatërroi karrierën politike Sokol Olldashit, ndërsa në vitin 2021 i morën votat kryetarëve dhe më pas përfunduan të përçarë.

“Unë ia kam bërë të qartë Berishës dhe tani do i bëj thirrje nga foltorja e kuvendit të Shqipërisë.

Nëse të dhimbset ende kjo krijesë që ndërtove vetë jepi drejtim tërhiqu dhe lëre garën të lirë, jo siç bëre në 2013 që ia dhe partinë “benjaminit” tënd dhe shkatërrove karrierën politike të Sokol Olldashit. Dhe atë që bëtë në 2021 vodhet votat e kryetarëve të tjerë dhe u prishët në shtator të 2021.

Është momenti t’i hapësh rrugë shpëtimit të PD.

Mos dëgjo atë që ke pranë dhe të fryjnë në vesh se do të marrin sërish më qafë doktor Berisha.

Unë nuk jam profet por jam njeri që nuk i shkëpus këmbët nga qytetarët ndërsa këta sot mendojnë vetëm për shtëpinë e tyre dhe jo për qytetarët shqiptarë”, tha Sula./ CNA





Lajmet e fundit nga