E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Kulla që mban bashkë Fatmir Xhafajn dhe Erion Veliajn

15 Gusht 2024, 13:55, Opinione CNA

Kulla që mban bashkë Fatmir Xhafajn dhe Erion Veliajn

Erion Veliaj dhe Fatmir Xhafaj

"Kullën e ndërtuar në qendër të Tiranës, e ka shoku i ngushtë dhe ortaku i Erion Veliajt dhe Fatmir Xhafajt". Kjo ishte deklarata më e fundit e Belind Kelliçit.

Tre emrat dhe lidhja mes tyre nuk është zbulim i Belind Këlliçit. Është fakt i njohur publikisht raporti mes Amarildo Lilos dhe Erjon Veliajt.

Amarildo Lilo është në letra pronar i "Ideal Construction". Kompania është e njëjta që ndërtoi kullën "Eyes of Tirana". Në atë kullë shoku i Veliajt shtoi tetë kate pa leje. (lexo këtu)

Megjithëse shkelja e lejes së ndërtimit përbën vepër penale shoqërohet edhe me sanksione administrative deri në heqjen e licencës, Lilo i Veliajt vazhdon ndërtimin në mes te Tiranës, në një kullë që po ngrihet mbi truall publik. (lexo këtu)

Çfarë e detyroi Bashkinë e Tiranës të hyjë në marrëveshje biznesi duke i dhënë tokë shtetërore për zhvillim një kompanie, e cila shkel lejen e ndërtimit dhe ligjet në fuqi?

Shpjegimi është i thjeshtë! Pronari në letra i kompanisë është thjesht "prestanome". Njëjtë si "pronari" i agroturizmit në pronësi të Fatmir Xhafajt për shembull.(lexo këtu)

Amarildo Lilo del edhe si pronar i Arlis sh.p.k. Ka shpjegim se pse i njejti person, krijon 2 subjekte, me objekt të njëjtë aktiviteti, përveçse për të mbajt të ndara llogaritë për secilin pronar të vërtetë me vehte? Ndaj duhet "Ideal construction" dhe "Arlis". Secili kompaninë e vet, të dy me të njëjtin "prestanome".

Lilo është po aq prestanone për Veliajn sa është edhe për Fatmir Xhafajn. Dhëndërri i Fatmir Xhafajt si drejtor i Urbanistikës në Bashkinë Tiranë njihej si bllokues i çdo projekti zhvillimor të pronarëve të trojeve. Askush nuk zhvillonte dot pronën e vet pa u bindur dhëndërri që nuk shkelej trualli dhe as ajri publik.(lexo këtu)

Papritur i njëjti dhëndër fillonte vriste mendjen dhe shkruante aktet rregullatore kostum për "Lilot" prestanome. U gjente troje ndërtimi në tokë publike, në mes të Tiranës. Dhe llogaria bëhet e thjeshtë, 1+1=2 dhe prestanomi në mes./CNA