web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi: Si Nano ndërhyri për lirimin e vëllait të Fatmir Xhafajt në Itali

3 Tetor 2024, 22:23, Denoncim CNA
Denoncimi: Si Nano ndërhyri për lirimin e vëllait të Fatmir
Fatmir Xhafaj

Çim Peka publikoi në emisionin e tij denoncimin e një qytetari, që pretendon se ka qenë i afërt me ish-kryeministrin Fatos Nano.

Sipas denoncimit, Nano ka ndërhyrë për zbutjen e dënimit në Itali të Geron Xhafajt, vëllait të ish-ministrit të Brendshëm, Fatmir Xhafaj.

Peka tha se Nano, nëpërmjet Ardian Vishës, ish-shefit të Marrëdhënieve me Jashtë në Prokurorinë e Përgjithshme, ka lidhur kontakt me prokurorin italian për zbutjen e dënimit nga arrest me burg në arrest shtëpi.

Më pas, ai tha se ish-kryeministri emëroi Fatmir Xhafajn ministër të Brendshëm, dhe ky i fundit bëri të mundur ekstradimin e Geron Xhafajt në Shqipëri.

“Po të jetë i interesuar SPAK ia tregoi edhe emrin. Unë kam qenë në 2002 njeriu më i afërt i Fatos Nanos. Në kohën kur Nano donte të bënte Ministër të Drejtësisë Fatmir Xhafajn, por sa iu arrestua vëllai dhe Fatos Nano ka ndërhyrë te Ardian Visha në atë kohë shefi i Marrëdhënieve me Jashtë në Prokurorinë e Përgjithshme, i cili ka komunikuar me prokurorin në Itali dhe ia ka kërkuar si nder në emër të kryeministrit Nano që të mos bënte shumë bujë që nga arrest me burg ta bënte në arrest shtëpie dhe kthim në Shqipëri.

Kështu është liruar nga Ardian Visha në vitin 2002 Geron Xhafaj, si nder dhe menjëherë sapo ka ardhur në Shqipëri Fatos Nano e bëri Ministër të Drejtësisë Fatmir Xhafajn.

Ky person që bëri të mundur lirimin e tij në Itali si nder në emër të kryeministrit Fatos Nanos, sot është avokati i tij në këtë çështje, Ardian Visha. Dhe ky që ma shkruan thotë që këtë gjë e di unë e di Fatos Nano i zoti i punës Fatmir Xhafaj dhe një kolegia jonë.

Dhe pastaj vazhdon historia, menjëherë sa u lirua nga arrest me burg në arrest shtëpie, pastaj Ministria e Drejtësisë me Fatmir Xhafaj ministër i bënë letrat që e sollën ta bëjë dënimin në Shqipëri, dënim që nuk u krye kurrë”, theksoi Çim Peka./ CNA





Lajmet e fundit nga