Mbi produktin negativ të Big-ut

8 Mars 2023, 19:00, Opinione Edi Oga

Disa nga miqtë këtu në Facebook, sidomos ata që më njohin rishtaz, më kanë shprehur habinë e tyre në lidhje me përfshirjen time me postime rreth BBV2, sidomos në kohën e transmetimit "prime"!

Sipas tyre dhe shumë të tjerëve, ky projekt i përket shtresave të caktuara të teleshikuesve, nuk është për këdo.

Unë e kam ndjekur këtë edicion. Kam nevojë të reflektoj dhe të mbërrij në konkluzione të vlefshme sipas sistemit tim të vlerave.

BBV2 është një produksion gjigand, "frut" i pashmangshëm i vlerave të debatueshme të gjithçkaje që aktualiteti ynë prodhon dhe promovon në kohën e tanishme.

Dhuna e “BIG”-ut dhe dhuna e Luizit
8 Mars, 14:15

Ta ndjekësh është një gjë, ta pëlqesh është një gjë, të çmendesh pas tij është një gjë tjetër por ta injorosh është e pamundur! Është njësoj sikur ta kesh shtëpinë në një lagje historike ku kanë ndërtuar një "grataçiel" dyzet katësh dhe ti që u thua të tjerëve "unë mbyll sytë dhe kthej kokën, kur shkoj në shtëpi, që të mos e shoh"!

E rithem që BBV2 është një produksion i bërë jo ashtu siç duhet, është parë nën dritën unike të një superbiznesi që e siguron superaudienca e garantuar. Është kjo mënyrë trajtimi në thelb të çdo "produkti" negativ që ky produksion servir. Këtu duhet të ndalem pak. A ka përgjegjësi ligjore produksioni për efektet negative të produktit të tij? Aspak. Zero.

“Çmimet e çmendura”/ Sa kushton një reklamë në "Big Brother"?
23 Shkurt, 10:27

Biznesmeni mendon vetëm për paratë dhe në një sistem të tregut të lirë, kjo është legjitime. Është njësoj si ta kapësh me oligarkët për kullat e tmerrshme që kanë pushtuar Tiranën. Ata nuk kanë asnjë faj. Madje ëndrra e tyre e madhe është të ndërtojnë një superkompleks kullash në sheshin "Skënderbej", por për momentin kjo nuk u lejohet.

Gjithkush është i lirë të mbajë qëndrimin e tij ndaj Big Brother. E vetmja mënyrë për të mos e pasur fare, është të bësh diçka më të ndjekur dhe më me vlera. Për kohën që jetojmë, kjo është e pamundur, sepse kemi pranuar një sistem ku dikton shumica, dhe shumica këto kërkesa ka dhe këtë produkt krijon e konsumon.

“Big Brother” mania, histeria e kotësisë
20 Shkurt, 17:59

Njerëzit e ditur dhe elitarë, në këtë sistem janë jashtë loje. E vetmja mënyrë që ata të shpalosin dhe të zbatojnë idetë e tyre, është diktati, i përcaktuar nga sistemi qeverisës, i cili nga ana e tij qëndron në këmbë prej po asaj shumice që kërkon "bigbradhër"!

A nuk është i dukshëm rrethi vicioz, me spiralen me kah nga poshtë?!

Mendoj se jemi diku nga fundi i rrugës drejt "katastrofës së madhe", e prekjes së fundit. Dikur pendulumi dialektik i lëvizjeve shoqërore do të ndryshojë kahje (na mëson Hegel-i) dhe në paçim fat, gjërat do të fillojnë të lëvivizin të paktën kah e pranueshmja, me shpresë tek e pëlqyeshmja, sepse e përkora i përket vetëm krijuesit.

*(A e vutë re se është e mundur të flasësh gjatë për BBV2 edhe pa përmendur asnjë emër konkurenti?!)