web counter
LEXO PA REKLAMA!

SHKARKO APP

App Store
Google Play

Drejtësia “ngushëllon” viktimat e masakrave kriminale

3 Mars 2023, 23:05, Opinione Jak Simoni
Drejtësia “ngushëllon” viktimat e masakrave kriminale
Dan Hutra, autori i masakrës

“Shteti është organizim i të dobëtëve për tu mbrojtur nga të fortët”, shprehej filozofi i  lashtë grek Antisteni. Ndonëse ishte kundër utopisë së Platonit, ka rezultuar akoma më utopist se utopisti më i madh i historisë së filozofisë. Megjithëse është e diskutueshme se kush janë të dobëtit, të varfrit dhe gratë për disa aspekte mund t’i klasifikojmë tek kjo kategori.

Ndërsa për të parët nuk kemi  pse të hezitojmë, për të dytat duhet ta pranojmë se, për sa ai përket forcës fizike dhe aftësisë, ose më mirë të themi të gatishmërisë, së përdorimit kriminal të armëve, as e kanë, as duan ta kenë atë të burrave. Masakra e fundit në serinë e “zakonshme”, por më e rënda për sa i përket numrit të viktimave, tregon dështimin e organeve të drejtësisë e për rrjedhojë të organizimit të shoqërisë kundër krimit. Me sa po shohim të dobëtit vetëm janë manipuluar, jo organizuar.

Ndonëse krime të tilla nuk ndodh vetëm tek ne, pozicioni ynë, si për shumë aspekte të tjera, është mjaft i rëndë. Pak kuptojnë se, duke mos dënuar autorët e krimeve të tilla, kryesisht ndaj grave, dhe me vdekje, viktimat ri vriten dhe një herë. Preferojmë të vrasim dhe një herë viktimat, sesa të bëjmë ndonjë “mëkat” me vrasësit e tyre. Autoritetet e  drejtësisë, si ato të fesë, bëjnë sikur “ngushëllojnë” viktimat e masakrave kriminale.

Pushtetarët e korruptuar dhe kriminelet nuk dënohen; në rastin më të mirë bëhet finta sikur po dënohen. Ka pasur raste që i linin të ikin jashtë vendit pastaj i dënonin në mungesë. Duhet të pranojmë se me indiferencën ndaj krimeve të  tilla dhe me abortet selektive, ku gjinekologjia shqiptare shkëlqen ashtu si kirurgjia plastike, jemi një shoqëri misogjene .

Mungesa e besimit tek drejtësia  shton fenomenin e hakmarrjes, ngujimeve, shtëpive të rrethuara me mure më të larta se vetë ato e të monitoruara nga të gjitha anët, ku as minjtë nuk kanë të drejtën e intimitetit.





11:15 Opinione Lutfi Dervishi

Elefanti apo miu?

Gjykatësi po shihte vëngërr në drejtim të dy palëve që...

13:22 Opinione Artan Fuga

Kryq komunikacioni!

Unë do të vazhdoj të paraqes 12 parametrat që kam për të vot...

Lajmet e fundit nga