E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Narrativa e vërtetë dhe fake narrativa

25 Shkurt 2023, 21:28, Opinione Hysni Gurra

Rilindje, ishte narrativë. Qeveri e përgjegjshme, ishte narrativë. Qeveri për popullin, ishte narrativë. Qeveria ka punën, opozita fjalën, ishte narrativë. Arsim cilësor, ishte narrativë. Shëndetësi falas, ishte narrativë. Administratë publike e vogël dhe e depolitizuar, ishte narrativë. Drejtësi e re, ishte narrativë. Integrim në Europë, ishte narrativë. Ekonomi e zhvilluar, fshat i zhvilluar, investime të huaja, ishte narrativë…

Narrativa është një zhanër letrar i trillimit, sepse ajo që ka rëndësi është shpikur tërësisht ose kryesisht. Edi Rama e njeh si figurë letrare vetëm se e përdor qëllimisht në vendin e gabuar.

Kur plasi skandali i korruptimit të McGonigall, ai në fillim, kur nuk e dinte sa dinë tjetër për këtë gjë, tha me vendosmëri e kam mik. Kur kuptoi që dinë më shumë se ç’mendonte ai, u mundua t’ia hedhë me një figurë letrare tjetër e të përdorë lojëra fjalësh. Unë thashë që e kam mik, po mik në kuptimin anglez, jo në kuptimin shqiptar.

Dhe kur u bind se amerikanët dinë shumë për të, tha, po përmendet emri im, po është për narrativën e çështjes, jo se ka të bëjë me mua.

Ky mendon; meqënëse ndjekësit e tij janë injorantë, e hysmeqar të paguar, të gjithë shqiptarët janë të tillë dhe nuk kuptojnë. Narrativë paskan qenë premtimet e tij elektorale në 2013 (se më mbrapa nuk shkroi më asnjë germë program).

I gjithë programi i tij paska qenë thjeshtë një narrativë, paska shkruar dy libra me pak fjalë, kurbanin dhe programin elektoral të 2013.

Narrativën e tij hëngrën shqiptarë njëherë, po drejtësia amerikanë nuk e ha.

p.s- Kush e njeh Ramën nga afër e di që ai amerikanët i quan si rob pa kulturë, idiotë, të trashë e të pa lexuar me pak fjalë. Që mund t’ua hedhësh kollaj po u fole me figura letrare, po përmende ndonjë autor nga letërsia, po fole çikë për antikitetin ata i mahnit dhe ua fut përshalësh çfarë të duash. Kështu mendon ai. Ndaj edhe pjesën më të madhe të detyrës si KM e ushtroi i rrethuar nga njerëz pa shkollë, rrugaçë, të pa ditur e banditë. Se ky vdes të duket si aristokrat i mendjes, gjë të cilën nuk e ka arritur dot me forcë intelektuale. Duke qenë se nuk e ka arrit ashtu, ka krijuar mjedisin vetë, mbush me analfabetë rreth e rrotull dhe vetë më i dijshmi mes tyre.