web counter
LEXO PA REKLAMA!

SHKARKO APP

App Store
Google Play

E fundit!

x

A do ta mundë Salillari, Edi Ramën?

22 Shkurt 2023, 13:46, Opinione Klodian Tomorri

A do ta mundë Salillari, Edi Ramën?

Biznesmeni Pellumb Salillari ka çuar në gjykatë vendimin e KKT-së që i konfiskoi pallatin pa leje te Liqeni. Gjyqi është nesër.

Praktikisht nëse Salillari nuk tërhiqet nga gjyqi, konfiskimi bie dhe i gjithë aksioni i qeverisë për sekuestrimin e ndërtimeve del një nul i madh. Dhe në fakt ashtu është.

Ai vendim shkel një nga parimet bazë të së drejtës. Prona merret vetëm me gjykatë. Dhe i vetmi institucion që ka të drejtë të konfiskojë është gjykata, jo qeveria.

Qeveria e di shumë mirë që aksioni është i paligjshëm. Pse e bëri lind pyetja? Sepse Edi Rama e di që ata që kanë ndërtuar pa leje janë përfituesit më të mëdhenj të qeverisë së tij dhe nuk kanë guxim ta atakojnë vendimin në gjykatë. Por me sa duket Salillari doli nga vatha.

Nëse Salillari i shkon deri në fund dhe fiton gjyqin Edi Rama diskretitohet. Pastaj të gjithë ndërtuesit, që u janë sekuestruar pallatet pa leje do bëjnë të njëjtën gjë. Kryeministrit do t’i mbeten në dorë vetem copat e letrës së konfiskimeve, që firmoste për propagandë para kamerave.

Kompania Salillari është një nga përfituesit më të mëdhenj të fondeve publike në Shqipëri.

Në 3 vitet e fundit ka marrë nga thesari 9.1 miliardë lekë.

Këto janë pagesa të ekzekutuara, që i kanë shkuar në llogari sepse vlera e tenderave të marrë është shumë më e madhe se kaq.

Përtej kesaj, Salillari është aksioner me 50 për qind në një prej koncesioneve më fitimprurëse në Shqipëri, të rrugës Durrës-Kukës.

Tani pyetja shtrohet: Pasi ka marrë kaq të mira nga Rama, a do ta thyejë Salillari, Edi Ramën? Nëse po, kryeministri i bie që është i fortë vetëm me fukarenjtë dhe i dobët para parasë.





15:54 Opinione Lutfi Dervishi

Turizmi i skandaleve!

A po planifikoni pushime të paharruara? A doni të përj...

Lajmet e fundit nga