Thirrje publike Belind Këlliçit dhe 60 kandidatëve të primareve

5 Mars 2023, 19:45, Opinione Hysni Gurra

Thirrje publike Belind Këlliçit dhe 60 kandidatëve të

Gazetari Hysni Gurra

Ata duhet regjistrohen nesër në KQZ me patjetër.

Vendimi i Gjykatës së Apelit është akti më i ndyrë politiko-gjyqësor që ka ndodhur në 32 vite pluralizëm në Shqipëri.

Akt asgjesimi jo vetëm për opozitën por edhe për mijëra qytetar të tjerë pa parti, nuk e tepëroj të them edhe për mijëra qytetar të majtë të ndershëm që duan të largojnë Veliajn dhe gjithë kryebashkiakët e emëruar në votimet pa garë (2019).

Belindi është një djalë i ri që ka marrë nismën më të guximshme politike që mund të ndërmerrej nga një politikan në moshë të tij.

Thirrje publike Belind Këlliçit dhe 60 kandidatëve të

Është pozicionuar në anën e anëtarësisë së PD kur të tjerët kishin frikë.

Po hyn në një garë politike tejet të vështirë duke sakrifikuar rehatinë e tij personale, lënien e mandatit të deputetit.

Si Belindi janë edhe 60 kandidatët e tjerë në gjithë bashkitë e vendit.

Për këto dhe shumë arsye të tjera Këlliçi dhe kandidatët e tjerë, duhet të gjejnë 2-3 parti të vogla parlamentare dhe të regjistrojnë koalicion me logon e tyre.

Pakënaqësia që ka prodhuar tërheqja zvarrë e vendimit për logon dhe siglën e PD është e jashtëzakonshme.

Përpjekja e Ramës për të nxjerrë Këlliçin dhe gjithë kandidatët e primareve tregon frikën që e ka kallur atë.

Vula nuk është alternativë
4 Mars, 08:56

Kjo përpjekje e tij tashmë është një Bumerang për të.

Ky bumerang, kjo pakënaqësi duhet kapitalizuar sa më shumë dhe sa më shpejt.

Mjafton të shohësh reagimet në rrjetet sociale, shkoni shihni komentet te postimi i Alibeajt fill pas vendimit të Gjykatës së Apelit për vulën.

Mjafton të flasësh me njerëzit në rrugë dhe e kupton se vendimi i gjykatës për të mos lejuar PD të regjistrohet është një ortek pakënaqësie i jashtëzakonshëm.

Pyesni çdo jurist me kapacitet mesatar dhe e kuptoni se ai vendim është politik dhe jo vendim drejtësie.

Sado të duket se shqiptarët janë indiferentë, ata nuk janë të tillë.

Zbardhet skema/ Emri, kush e dërgoi në Gjykatë vendimin për vulën
4 Mars, 12:32

Ata nuk pajtohen me një padrejtësi kaq të hapur.

Është e dukshme që shqiptarët nuk janë dakord me asgjesimin e pluralizmit.

Kur them të gjejnë 2-3 parti parlamentare nuk e kam fjalën për Partinë e Lirisë. PL është një parti që ka shprehur qartë mbështetjen për kandidatët e primareve (nënshkrimi i marrëveshjes Berisha-Meta) dhe synimin e saj për të punuar për këshillat bashkiake.

Në këtë kontekst, me një mbështetje të siguruar nga PL, Këlliçi dhe kandidatët e tjerë të primareve duhet të futen në këto zgjedhje me logo tjetër.

Zgjedhjet e 14 majit do të jenë gremina ku do të bjerë Rama, Veliaj & Co për gjithë maskarallëqet që kanë gatuar.

Asnjë kryetar aktual bashkie në gjithë Shqipërinë nuk përfaqëson shumicën e qytetarëve, janë kryebashkiakë të emëruar jo të zgjedhur.

Zgjedhjet e 14 majit janë një betejë mes së mirës dhe së keqes. Qytetarët janë të vetëdijshëm për këtë.