LEXO PA REKLAMA!

SHKARKO APP

Sot ka ditëlindjen/ Jozefina Topalli bën rezymenë e jetës, tregon pengun e saj: Do të më ndjekë deri kur të kem frymë

26 Nëntor 2023, 11:06, Lifestyle CNA
Sot ka ditëlindjen/ Jozefina Topalli bën rezymenë e jetës,
Jozefina Topalli

Ish-kryetarja e Kuvendit, Jozefina Topalli, në ditën e saj të lindjes ka bërë një shkrim, reflektim, me gjithë çfarë ka kaluar arritjet, sfidat, njerëzit që besuan dhe e përkrahën.

Ajo thotë se ka pasur fat që ka atë familje të mrekullueshme me dy fëmijët që nuk i kanë thyer zemrën dhe bashkëshortin që e ka mbështetur.

Sa i përket karrierës thotë se rruga e saj ishte krejt unike.

Jozefina Topalli thotë se ka jetuar vetëm çfarë ka besuar, “por me një kosto jo të vogël për familjen time e në vecanti për fëmijët e mi që nuk kishin mamën e tyre në shpi si çdo fëmijë 1 vjeç siç ka qenë Genari kur unë hyra në Parlament, në një kohë shumë të vështirë për PD-në”.

Ky është një peng që ajo thotë se do e ndjek deri sa të ketë frymë.

“Thuhet se cdo ditëlindje është një fillim i ri. Unë ashtu e ndjen. Dua jetën dhe dua përsëri sfidën. Falenderoj të gjithë ata, që më mbështetën e më deshën pa interes!”, shkruan ajo në rrjetet sociale.

Postimi i plotë:

Në këtë ditë shumë speciale për mua, ndihem më e lirë nga cfarë isha 30 vjece, me konfidente dhe në të njëjtën kohë më e përulur, …por edhe e vëshur me një eksperiencë të pafundme.

Jeta ime ka patur ulje dhe ngritje shumë të forta,.

Edhe pse ajo shpesh nuk është varur nga unë, në atë pjesë që ndikohej nga unë,në udhën time, zgjedhjet e zgjidhjet , cdo gjë e cdo herë i kam bërë në mënyrën time..

Jo pak herë as nuk më kanë kuptuar, shumë hërë më kanë keqkuptuar, por kjo nuk më ka frenu me besu ne atë që konsideroja të drejtë.

Unë kam patur fat , që jo të gjithë e kanë. Kam dy fëmijë, që nuk më kanë lënduar kurrë zemrën;

Kam bashkëshortin , që më ka mbështetur gjithmonë edhe kur mendonte ndryshe nga unë, dukë u bërë në fakt shtylla e ekuilibrit dhe e gëzimit në shtëpinë tonë, me mencurinë, tolerancën dhe humorin e tij.

Por unë nuk jam vetëm një mame e lumtur e dy fëmijëve të dashur, as vëtëm bashkëshorte e priviegjuar, sot familja jonë është zgjeruar me dy nipa, që më japin dashuri të pa fundme.

Në këtë ditë kujtoj nanën e babën, që na rritën përmes sakrificave e varfërisë me dashuri të madhe. Ata kurrë nuk na përcollën në vuajtjet, ankthet e frikërat e tyre për të ardhmen tonë . Pavarësisht stuhive të jetës së tyre, ata na e bënë fëmijërinë time, të vëllait e të motrës , të bukur e të pa shoqe; na mesuan edukatën, punën, dinjitetin e dashurinë për familjën e njerëzit.

Për anët e tjëra të jetës unë kam qenë gjithmonë vehtja ime.

Unë nuk mund të isha ajo, që nuk jam.

Kam filluar të punoj për të ndihmuar familjen qëkur isha 12 vjece.

Kam patur kurajon për të rrëzuar në fillim të gjithë muret e mia.

Kam qeshur e kam qarë, kam gabuar ,kam humbur , kam punuar dhe kam fituar.

Por, cdo gjë e cdo herë e kam bërë në mënyrën time..duke bërë kujdes të ruaja përhërë dinjitetin!

Rruga ime ka qenë krejt unike!

Nga një gjimnaziste fituese olimpiadash të matematikës në punëtore bujqësie ( gjysëm e internuar) , deri dhe Kryetarja e parë e Parlamentit grua.

Që e vogël kam vendosur , që të mos ecja në hijen e askuj.

Me thonin se jam e ashpër , kur punoja për atë që mendoja se ishte e drejtë!; kur luftoja për të rrëzuar gurët e murit të krimit e të pa drejtësive në Kuvend!

Nuk i kam kthyer kurrë shpinën njeriut, por edhe nuk kam dashur kurrë të ik nga vehtja ime.

Më thonin se jam e fortë , kur në fakt isha më shumë e ndrojtur.

Kam jetuar vetëm cfarë kam besuar, por me një kosto jo të vogël për familjen time e në vecanti për fëmijët e mi që nuk kishin mamën e tyre në shpi si cdo fëmijë 1 vjec sic ka qenë Genari kur unë hyra në Parlament, në një kohë shumë të vështirë për PD.

Ky është një peng që do më ndjek deri kur te kem frymë.

Thuhet se cdo ditëlindje është një fillim i ri. Unë ashtu e ndjen.

Dua jetën dhe dua përsëri sfidën.

Falenderoj të gjithë ata, që më mbështetën e më deshën pa interes!/ CNA

Lajmet e fundit nga