LEXO PA REKLAMA!

SHKARKO APP

App Store
Google Play

Fero flet për qëndrimin në paraburgim: Është zmadhuar shumë

20 Nëntor 2022, 08:51, Lifestyle CNA
Fero flet për qëndrimin në paraburgim: Është zmadhuar
Reperi Fero

Reperi Fero, ka zbuluar më shgumë detaje rreth karrierës së tij dhe qëndrimit në paraburgim, pas një përplasje fizike me një qytetar në Kosovë.

I ftuar në emisionin “Më lër të flas”, Fero tregoi versionin e tij të hoistorisë së sherrit që bëri xhiron në media.

“Unë jam shumë djalë i mirë. Puna është se gjatë gjithë karrierës time problemi është bërë vetëm kur mbron veten. Të gjitha pasojat dhe inatet kanë lindur për shkak të xhelozisë. Për pjesën e paraburgimit, mediat e kanë zmadhuar shumë. Mediat kanë marrë videon kur unë kam sulmuar dhe jo të lokalit kur unë kam qenë duke qëndruar dhe më pas jam sulmuar. Isha duke qëndruar dhe kalon një makinë duke sharë dhe duke ofenduar, më pas kaloi dy herë, tre herë. Unë në fillim nuk reagova, por në fund gabova sepse rashë pre e provokimit. As mediat, as prokuroria nuk kanë për bazë videon e lokalit por kanë për bazë vetëm videon që Fero sulmon. Puna është që ata djem akoma nuk kanë dhënë deklaratën e tyre”, ka thënë Fero.

I pyetur nëse ka shkruar gjatë kohës që ka qenë në paraburgim, Fero tregoi s ekjo periudhë i shërbeu për të reflektuar dhe për mënyrën e jetesës.

“Jo, nuk kam shkruar asnjë rresht. Nuk kam menduar për asgjë rreth jetës jashtë. Është ligji i natyrës që të mendosh për familjen. Nëse je aty 24 orë ke vetëm 2 orë shëtitje dhe 22 orë brenda në një dhomë me katër mure. Unë e sistemova mënyrën e jetesës gati një muaj. Nuk mendoja çfarë është duke ndodhur jashtë”, u shpreh ai.

Ndërsa për marrëdhëniet e tij me artistët e tjerë, reperi tha se thotë gjithnjë atë që ndjen por “Live-t” e Tik Tok nuk i quan deklarata.

“Unë gjithmonë kam thënë atë që ndiej momentalisht. Unë personalisht nuk kam probleme me asnjë. ‘Live’-t në TikTok nuk i quaj deklarata”, tha Fero./ CNA.al

Lajmet e fundit nga