web counter
LEXO PA REKLAMA!

SHKARKO APP

App Store
Google Play

E fundit!

x

Dea Mishel flet pas eksperiencës në "Big Brother"/ “Familjarët e mi janë kërcënuar me vdekje”

21 Maj 2023, 14:44, Lifestyle CNA
Dea Mishel flet pas eksperiencës në "Big Brother"/
Dea Mishel

Dea Mishel ishte një nga finalistet e "Big Brother VIP" dhe një nga personazhet, e cila gjatë rrugëtimit të saj në "realityshow"-n ka marrë më së shumti komente negative.

Sot gjatë një interviste në "E Diell", është shprehur se gjëja që e ka lënduar më tepër është se për shkak të disa situatave që ka krijuar në "Big Brother VIP" familjarët e saj kanë marrë kërcënime me vdekje dhe janë bullizuar.

"Gjëja e parë që më thanë ishte që të pëlqejnë shumë dhe këtë e ndjeva kur dola te njerëzit që takova dhe komentet që mora.

Pastaj gjëja e dytë që më thanë ishte që gjatë periudhës që kisha bërë atë nominimin Luiz-Kiara-Efi kisha marrë shumë komente negative në rrjet.

Java e parë ka qenë një eksplorim për të kuptuar se si janë parë këto situata jashtë sepse unë në mendimin tim kam qenë një lojtare, kam pasur tre njerëz kundër dhe i nominova nuk është se kam dashur të bëj një dëm të madh apo të prish punë. Për mua ishte një lojë dhe nuk mendoja që mund të ishte diçka kaq e rëndë jashtë.

Për këtë pjesë dua të them që i kam parë familjarët e mi shumë të prekur dhe e kanë vuajtur shumë. Tani që jam kthyer në shtëpi e shoh që janë shumë të ngarkuar dhe po përpiqen që ta procesojnë sepse realisht kanë marrë kërcënime me vdekje, kanë marrë fjalë shumë të rënda. Kushërirat e mia të vogla që kanë qenë në shkollë bullizoheshin pse ishin kushërirat e mia. Kjo gjë përveç meje ka marrë vëmendje të madhe te familjarët e mi", tha Dea Mishel./ CNA.al

 





Lajmet e fundit nga