LEXO PA REKLAMA!

SHKARKO APP

4 vite pa Xhevdet Ferrin, aktorin që la gjurmë të mëdha në kinematografi

16 Janar 2024, 16:37, Kulturë CNA

4 vite pa Xhevdet Ferrin, aktorin që la gjurmë të mëdha

4 vite më parë u shua aktori legjendar Xhevdet Ferri.

Ai u nda nga jeta në mënyrë të parakoshme, kur ishte 59 vjeç, pasi humbi betejën me një sëmundje të rëndë që kishte.

Xhevdet Ferri ka lënë gjurmë të mëdha në kinematografinë shqiptare.

Aktori durrsak dhe bashkëshortja e tij Rozeta Ferri, kanë luajtur në shumë filma. Disa prej tyre janë “Dhe vjen një ditë”, “Vitet e pritjes” dhe “Gjoleka, djali i Abazit?”.

4 vite pa Xhevdet Ferrin, aktorin që la gjurmë të mëdha

Për herë të parë në një film, aktori mori pjesë në kohën kur ishte akoma një student.

Ai u diplomua në 1982-shin në Akademinë e Arteve për dramë dhe më pas qëndroi si pedagog i mjeshtërisë së aktorit në këtë Akademi.

Xhevdet Ferri vazhdoi karrierën akademike deri në detyrën si Dekan i Fakultetit të Artit Dramatik pranë kësaj Akademie.

4 vite pa Xhevdet Ferrin, aktorin që la gjurmë të mëdha

Gjatë jetës së tij, ai interpretoi rreth 30 role në kinematografi e teatër. Në teatër ka interpretuar pak role, por suksesin më të madh si aktor ai e ka arritur në filmin artistik me rreth 13 role.

Pothuajse në të gjitha filmat ka qenë në rolin e protagonistit, debutoi në vitin 1980 në "Skëterrë ’43" si Arjani dhe po atë vit në "Vëllezër dhe shokë" duke rënë në sy për rolin e Markos.

5 vjet më vonë në vitin 1985 u bë i njohur me interpretimin e rolit të Agronit në filmin e dytë të tij "Hije që mbeten pas". Me mishërimin që i bëri figurës së Gorit në filmin "Dhe vjen një ditë" ai mori medaljonin e festivalit në 1986-ën. Ferri i dallua për një individualitet të veçantë aktoresk.

4 vite pa Xhevdet Ferrin, aktorin që la gjurmë të mëdha

Role të tjera të spikatura për aktorin janë edhe: Pali te "Besa e kuqe" (1982); Sandri te "Vendimi" (1984); Trimi te "Përrallë nga e kaluara" (1987); Martini te "Treni niset në 7 pa pesë" (1988); Gjon Kadri te "Vitet e pritjes" (1990); Sako te "Dasma e Sakos" (1998).

Nga vitet 1995-1999 ishte drejtor i Qendrës Kombëtare të Kinematografisë, duke e marrë sërish këtë post në vitin 2006. Ndërsa në vitet 1999-2001 ishte drejtor i Teatrit Kombëtar. Është specializuar në fushën e "Menaxhimit të Institucioneve Artistike" në Amsterdam e Oxford.

4 vite pa Xhevdet Ferrin, aktorin që la gjurmë të mëdha

Gjithashtu, Xhevdet Ferri mori pjesë edhe në politikë. Në vitet 1996 – 1998 ai ishte deputet i PD-së në Kuvendin Popullor. Në vitin 2004 bashkëthemeloi Shoqatën e Kineastëve Shqiptarë, duke qenë edhe kryetari i parë i kësaj shoqate./ CNA

4 vite pa Xhevdet Ferrin, aktorin që la gjurmë të mëdha

Lajmet e fundit nga