E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

115-vjetori i lindjes së Mitrush Kutelit/ Mes emocioneve të forta, organizohet mbrëmje poetike në Pogradec

17 Korrik 2022, 16:09, Kulturë CNA

115-vjetori i lindjes së Mitrush Kutelit/ Mes emocioneve të forta,

Foto nga mbrëmja poetike në Pogradec

Në 115-vjetorin e lindjes së korifeut të letrave shqipe, Mitrush Kuteli, u organizua në Pogradec mbrëmja poetike "Vargje mbi Liqer", një bashkëpunim mes Qendrës Kombëtare të Librit e Leximit dhe Bashkisë Pogradec.

Pogradecarë e të ftuar kanë ndarë në këtë mbrëmje mbresa, kujtime dhe diskutime mjaft interesante rreth Mitrushit dhe veprave të tij dhe që një qytet si Pogradeci ia ka falur gjithë Shqiptarisë.

115-vjetori i lindjes së Mitrush Kutelit/ Mes emocioneve të forta,

Në fjalën e tij për pjesëmarrësit, aktori i mirënjohur, Mevlan Shanaj, ka krahasuar figurën e Kutelit si një njeri i tërhequr, me atë të Lasgushit, duke theksuar se të dy janë madhështorë në cilësitë e tyre.

“Me thënë të drejtën, ndihem inferior të marr iniciativen e të diskutoj për Mitrushin e Lasgushin. Si çdo njeri tjetër mund të them që janë figura sa legjendare jo reale, aspak reale, por çuditërisht janë edhe fizikisht në statuja. Nuk kam patur rast të njihem me Mitrush Kutelin, kam bindjen se kanë qenë shumë diskretë, ai vetë ishte diskret i rrethuar me një dyshim biografik, i tërhequr, i masakruar, i fshehur. Krejt ndryshe ndodhte me Lasgushin me të cilin kam patur mundësi të takohem, ta takoj e të flas për liqenin dhe kam patur e fatin të bëj një dokumentar për të. Të dy këta artistë janë madhështorë, me fat edhe ky qytet që i quan të vetët. Siç dihet është pak vështirë të bësh profet në vendin tënd por këta të dy kanë arritur të jenë profetët e mëdhenj të mendimit shqiptar, krenari kombëtare. Pogradeci do të vazhdojë të krenohet me ta.”

Aktori Mevlan Shanaj

Anastas Kostandini, piktori i njohur pogradecar, tregon me shumë emocion kujtimet që mban nga Kuteli, duke e konsideruar si një njeri të veçantë për krijimtarinë e tij, dhe fat që sipas tëafërmve të tij, janë pjesë e një fisi.

“Mitrush Kuteli vinte më rrallë në Pogradec, krahasuar me Lasgushin. Madje edhe kur vinte, kishte disa 'pengesa' nëse mund t’i quaj kështu, pasi kishte shumë kushërinj me pozitë shtetërore, dhe nuk donte të takohej me njerëzit. Ishte një siklet i madh lëvizja e tij në Pogradec, e kjo ishte arsyeja që ai nuk vinte shpesh këtu. Ne e kemi patur si trashëgimi familjare, që të vegjël jemi rritur me tregimet e Kutelit, jo thjesht se bënte shkrime por ishte një pogradecar që në ato që shkruante, kishte shumë të vërteta. Në fillim të viteve 70, unë ia lexoja stërgjyshes time që në ato vite ishte thuajse 100 vjeç, dhe më bënte përshtypje që ajo kujtonte ccdo personazh të tregimeve të Mitrushit. Saga e shkrimeve të tij është me të vërtetë magjike. Unë me Kutelin kam një marrëdhënie speciale, dhe kurrë nuk i jam ndarë inspirimit nga letërsia e tij.”

Piktori Anastas Kostandini dhe aktori Mevlan Shanaj

Mbrëmja poetike krahas diskutimeve u shoqërua edhe me interpretime të poezive të Mitrushit dhe Lasgushit, të cilat përcollën edhe emocione të forta. Veëëm pak ditë më parë Mitrush Kutelit iu akordua edhe titulli "Nderi i Akademisë së Shkencave" nga drejtuesi i saj Skënder Gjinushi./ CNA.al