LEXO PA REKLAMA!

SHKARKO APP

Skema e vrasjes mafioze në Vlorë/ Autorët mbajtën nën vëzhgim viktimat për disa javë

19 Gusht 2022, 18:26, Kronika CNA
Skema e vrasjes mafioze në Vlorë/ Autorët mbajtën nën
Makina e viktimave

Atentati në mbikalimin e Panajasë ka qenë i planifikuar prej disa javësh.

Mendohet se autorët e ngjarjes kanë mbajtur nën vëzhgim viktimat prej kohësh, por atentati u realizua ditën e enjte.

Grupi hetimor beson se gjatë kohës që Shpati Lena dhe Hakim Xhezo mbaheshin në vëzhgim, atentatorët kanë siguruar armët dhe mjetet që i nevojiteshin për të përmbyllur skemën mafioze.

Nga verifikimet e kryera nga policia, ka rezultuar se “BMW”, e cila u gjet e djegur në Frakull të Fierit, vetëm disa minuta pas vrasjes, është grabitur javë më parë në zonën e Shijakut.

Në automjetin e djegur u gjetën tri armë automatike, me të cilat dyshohet se autorët qëlluan me breshëri armësh ndaj makinës ku po udhëtonin Lena dhe Xhezo.

Aktualisht, policia është duke vijuar me hetimet dhe po sekuestron të tjera kamera nga bizneset në hyrje të Vlorës.

Kujtojmë se ngjarja e rëndë ndodhi te mbikalimi i Panajasë. Autorët ndoqën makinën e viktimave dhe në momentin që automjetet kanë qenë paralelisht, ata kanë qëlluar me breshëri. “Benzi” i Lenës dhe Xhezos doli nga rruga, ndërsa u bë shoshë nga rreth 30 plumba me kallashnikov./ B.A. – CNA.al

Lajmet e fundit nga