LEXO PA REKLAMA!

SHKARKO APP

Lëvizte me pistoletë në brez/ Arrestohet 22-vjeçari nga Tirana, sekuestrohet arma dhe 10 fishekë

19 Gusht 2022, 10:04, Kronika CNA
Lëvizte me pistoletë në brez/ Arrestohet 22-vjeçari nga
Foto ilustruese

Policia e Burrelit ka vënë në pranga një 22-vjeçar, i cili lëvizte me armë zjarri të mbushur.

Në pranga ka rënë i riu i identifikuar si shtetasi me inicialet I.R., banues në Tiranë, të cilit iu sekuestrua një armë zjarri pistoletë dhe 10 fishekë.

Njoftimi i policisë:

Finalizohet nga Komisariati i Policisë Mat, operacioni policor i koduar “Fokus”, për goditjen e veprimtarisë kriminale të armëmbajtjes pa leje.

Me armë zjarri në brez, kapet në qendër të qytetit të Burrelit dhe vihet në pranga 22-vjeçari nga Tirana.

Sekuestrohen një armë zjarri pistoletë dhe 10 fishekë.

Shërbimet e Komisariatit të Policisë Mat, në vijim të punës për parandalimin dhe goditjen e veprimtarisë kriminale të armëmbajtjes pa leje, bazuar dhe në informacionet e marra në rrugë operative se një shtetas qarkullonte me armë zjarri, kanë organizuar dhe finalizuar me sukses operacionin policor të koduar “Fokus”, si rezultat i të cilit u bë kapja dhe arrestimi në flagrancë i shtetasit:

-I. R., 22 vjeç, banues në Tiranë, për veprën penale “Mbajtja pa leje e armëve, armëve shpërthyese dhe i municionit”, pasi gjatë kontrollit fizik nga shërbimet e Policisë, 22-vjeçarit iu gjetën të fshehura në trup dhe iu sekuestruan një armë zjarri pistoletë “Glock” dhe 10 fishekë.

Materialet i kaluan Prokurorisë, për veprime të mëtejshme procedurale.

 

Lajmet e fundit nga