LEXO PA REKLAMA!

SHKARKO APP

E fundit!

x

Ish-kreu i Prokurorisë: Si u fuqizuan bandat shqiptare

28 Nëntor 2022, 23:01, Kronika CNA
Ish-kreu i Prokurorisë: Si u fuqizuan bandat shqiptare
Ish-kreu i Prokurorisë së Krimeve të Rënda, Eugen Beci

Ish-kreu i Prokurorisë së Krimeve të Rënda, Eugen Beci, ka treguar mbrëmjen e sotme se si u fuqizuan bandat shqiptare.

Beci tha në emisionin “5 pyetjet nga Babaramo” se shqiptarët nisën si “spaçatorë” dhe pasi kuptuan se ky ishte një aktivitet fitimprurës, shkuan në vendin e origjinës së drogës, në Amerikën Latine.

Kështu, ai theksoi se shqiptarët vendosën që ta blejnë dhe transportojnë vetë lëndën narkotike dhe u bënë vetë të parët në biznesin e errët të drogës.

“2-3 mijë shqiptarë janë bërë rezidentë në Amerikën Latine, kanë fituar fuqizim të financave të tyre, kanë filluar të marrin tregun e Ballkanit Perëndimor, por edhe shumë organizatave të Italisë. Më parë ishin siguruesit e transportit nga Belgjikë dhe Holandë. Duke parë që ky aktivitet ishte dobiprurës, vendosën që të shkojnë në vendin e origjinës që ta blejnë dhe transportojnë vetë, tani trafikantët shqiptarë nuk duan të ndajnë fitimin. Shqiptarët pasi janë fuqizuar kanë krijuar edhe organizimin  e tyre strukturor”, theksoi ish-drejtuesi i prokurorisë./ B.A. – CNA.al

Lajmet e fundit nga