LEXO PA REKLAMA!

SHKARKO APP

Akuzohet si vrasësi i Arian Gosës/ Vetëdorëzohet në polici 31-vjeçari

23 Maj 2023, 15:49, Kronika CNA

Akuzohet si vrasësi i Arian Gosës/ Vetëdorëzohet në

Ditën e sotme është vetëdorëzuar në polici Habib Rexha, 31-vjeçari i akuzuar si vrasësi i Arian Gosës.

Mësohet se Rexha u dorëzua me vullnet të lirë dhe pas kërkesës së familjarëve.

Ai qëndroi 2 ditë në arrati, pasi qëlloi me armë Arian Gosën në një lokal të Kavajës pasditen e së dielës.

Habib Rexha qëlloi me një plumb në kokë Arian Gosën, teksa ky i fundit ishte duke pirë kafe me babanë e tij në një lokal në Kavajë, duke e lënë menjëherë të vdekur. 

Vrasja, sipas policisë, ndodhi për arsye hakmarrjeje, pasi në mars të këtij viti vëllai i Arian Gosës dhe vëllai i Habib Rexhës vranë njëri-tjetrin me thikë si pasojë e një sherri për motive të dobëta.

"Në vijim të veprimeve kërkimore të kryera nga strukturat e Komisariatit të Policisë Kavajë dhe ato të DVP Tiranë, për kapjen e autorit të vrasjes së shtetasit A. G., të kryer më datë 21.05.2023, ju informojmë se:

Krahas kërkimeve intensive të zhvilluara për kapjen e shtetasit Habib Rexha, strukturat e Policisë negociuan dhe me familjarët me qëllim dorëzimin e këtij shtetasi.

Si rezultat i veprimeve kërkimore, pamundësisë së largimit dhe negociatave me familjarët, shtetasi Habib Rexha u vetëdorëzua në Komisariatin e Policisë Kavajë.

Në bashkëpunim me Prokurorinë, vijojnë veprimet hetimore për dokumentimin e plotë ligjor të kësaj ngjarjeje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme", shkruhet në njoftimin e policisë./CNA.al

Lajmet e fundit nga