Tragjedia në Teksas/ Shefi i zjarrfikësve tregon shkakun e vdekjes së 46 personave

28 Qershor 2022, 08:44, Kosova & Bota CNA
Tragjedia në Teksas/ Shefi i zjarrfikësve tregon shkakun e vdekjes
Shefi i zjarrfikësve Charles Hood

Një tragjedi njerëzore është regjistruar në Teksas të SHBA-së, ku 46 persona që dyshohet se janë emigrantë të paligjshëm u gjetën të vdekur në një kamion.

Nuk kishte ujë apo ajër të kondicionuar në kamionin ku vdiqën 46 emigrantët, konfirmon Shefi i zjarrfikësve Charles Hood.

Ai thotë se ndërsa kamioni ishte një rimorkio frigoriferike, në bord nuk kishte njësi ftohëse. San Antoni, ku edhe u gjet kamioni, është goditur së fundmi nga një valë e të nxehtit, me temperatura që arritën rreth 39 gradë.

Sakaq, të 16 të mbijetuarit u dërguan në spital brenda rreth një ore pasi u gjetën, thotë ai.

“Ne nuk duhet të hapim një kamion dhe të shohim tufa trupash atje. Askush nuk vjen në punë duke e imagjinuar këtë”, tha Shefi Charles Hood i Departamentit të Zjarrfikësve të San Antonios./CNA.al

Lajmet e fundit nga