LEXO PA REKLAMA!

SHKARKO APP

Situata e tensionuar në Kosovë/ Borrell telefonon Kurtin dhe Vuçiçin

24 Shtator 2023, 19:33, Kosova & Bota CNA

Situata e tensionuar në Kosovë/ Borrell telefonon Kurtin dhe

Shefi i Politikës së Jashtme të BE-së, Josep Borrell ka telefonuar kryeministrin e Kosovës, Albin Kurti dhe presidentin serb, Aleksandër Vuçiç.

Telefonata e tij ka marrë shkas nga tensionet në veri të Kosovës.

Gjatë bisedës me Kurtin, përfaqësuesi i Lartë i BE-së dënoi me shprehjet më të forta agresionin në veri të Kosovës.

Pas sulmit të tmerrshëm dhe frikacak terrorist të sotëm kundër policëve të Policisë së Kosovës, Përfaqësuesi i Lartë Josep Borrell foli me kryeministrin Albin Kurti. Ai dënoi me shprehjet më të forta agresionin e sotëm”, thuhet në komunikatën e BE-së.

Ndërsa gjatë telefonatës me Presidentin e Serbisë, ai bëri thirrje që sulmuesit të dorëzohen menjëherë.

Përfaqësuesi i Lartë Borrell përsëriti thirrjen e tij për sulmuesit që të dorëzohen menjëherë dhe lirimin e pelegrinëve në Manastirin e Banjskës, që ata të largohen të sigurt. Ai bëri thirrje për rivendosjen e qetësisë dhe stabilitetit”, theksohet më tej.

Gjithashtu, Borrell bëri thirrje për rivendosjen e qetësisë dhe stabilitetit

EULEX-i, si reagues i dytë i sigurisë, po monitoron situatën në terren dhe është i gatshëm të mbështesë institucionet e Kosovës në ruajtjen e stabilitetit dhe sigurisë së të gjitha komuniteteve të saj, në përputhje me mandatin e tij dhe në koordinim të ngushtë me KFOR-in e NATO-s. Përfaqësuesi Special i BE-së për Kosovën në terren është në kontakt të ngushtë me autoritetet”, përfundon deklarata./ CNA

Lajmet e fundit nga