web counter
LEXO PA REKLAMA!

SHKARKO APP

App Store
Google Play

Ministri Sveçla, detaje nga aksioni/ 6 të arrestuar, 2 nga agresorët të plagosur, 3 të tjerë të vrarë

24 Shtator 2023, 19:11, Kosova & Bota CNA

Ministri Sveçla, detaje nga aksioni/ 6 të arrestuar, 2 nga

Ministri i Punëve të Brendshme të Kosovës, Xhelal Sveçla, ka dhënë detaje nga aksioni i policisë në veri.

Teksa bëri një bilanc, Sveçla tha se janë arrestuar 6 persona, 2 nga të cilët janë agresorë të plagosur.

Sa i përket numrit të viktimave, ai konfirmoi vetëm 3 të vrarë, ndërsa theksoi se aksioni po vijon.

“Grupe të armatosura sulmuan patrullën tonë dhe vranë rreshterin Afrim Bunjaku. Po ashtu kishim edhe një zyrtar të plagosur dhe një të lënduar. Shpreh ngushëllimet më të thella familjes dhe të afërmve të viktimës. Pas kësaj përgjigja e zyrtarëve të policisë ishte e menjëhershme dhe profesionale, ku për një kohë të shkurtër vendosën territorin nën kontroll.

Kishim edhe një tjetër zyrtar lehtë të lënduar, por të tjerët falë profesionalizmit ia dolën pa lëndime e pa viktima të tjera të kryejnë operacionin. Me këtë rast kemi 6 të arrestuar, 2 nga ata të plagosur, me uniformë ushtarake. Kemi të paktën 3 sulmues të vrarë.

Me këtë rast policia ka zbuluar një sasi të jashtëzakonshme armatimi të rëndë, uniforma, logjistikë, ushqime, pajisje për barrikada dhe lirshëm mund të themi se ishin pajisje për disa qindra sulmues të tjerë. Policia është në çdo cep të manastirit. Aty ka një numër pelegrinësh dhe do hetohet që mos të ketë të infiltruar nga sulmuesit”, u shpreh ai./ CNA





Lajmet e fundit nga