LEXO PA REKLAMA!

SHKARKO APP

Përballë njëri-tjetrit/ Kurti takohet me Vuçiçin në Bruksel

14 Shtator 2023, 12:40, Kosova & Bota CNA

Përballë njëri-tjetrit/ Kurti takohet me Vuçiçin

Kryeministri i Kosovës, Albin Kurti, ndodhet në Bruksel dhe po zhvillon takim me Presidentin e Serbisë, Aleksandër Vuçiç, nën prezencën dhe ndërmjetësimin e Përfaqësuesit të Lartë të Bashkimit Evropian për Punë të Jashtme dhe Siguri, Josep Borrell, si dhe me të dërguarin e BE-së për dialogun Kosovë-Serbi, Mirosllav Lajçak.

Takimet kanë filluar në orën 09:00 të mëngjesit.

Fillimisht, diplomatët evropianë kanë takuar presidentin e Serbisë, Aleksandër Vuçiç.

Pastaj në orën 10:00 ata kanë takuar kryeministrin e Kosovës, Albin Kurtin.

Ashtu siç dhe ishte në agjendën e bërë publike pas takimit me secilin nga drejtuesit e vendeve, të Kosovës dhe të Serbisë u mbajt dhe takim i përbashkët.

Takimi po zhvillohet në hapësirat e Shërbimit Evropian të Veprimit të Jashtëm dhe është në kuadër të dialogut Kosovës-Serbi.

Pas mbledhjes do të ketë dhe një prononcim nga Borrell, i cili do të bëjë me dije se çfarë është folur apo arritur në takim./ CNA

Lajmet e fundit nga