LEXO PA REKLAMA!

SHKARKO APP

Lufta Rusi-Ukrainë/ Zelenski: U kam shpëtuar 5-6 tentativave për vrasje nga rusët

21 Nëntor 2023, 11:06, Kosova & Bota CNA
Lufta Rusi-Ukrainë/ Zelenski: U kam shpëtuar 5-6 tentativave për
Vladimir Zelensky

Në një intervistë ekskluzive për “The Sun”, Presidenti ukrainas Vladimir Zelenski ka thënë se u ka shpëtuar të paktën pesë a gjashtë komploteve ruse për ta vrarë atë. Zelensky tha se tentativat ndaj tij janë zbuluar nga shërbimet e inteligjencës të Ukrainës ndërsa ka ironizuar se përpjekjet e përsëritura ruse për ta vrarë atë i ngjajnë Covid-it, vijnë duke u dobësuar.

 “E para është shumë interesante, kur është hera e parë, dhe më pas është njësoj si Covid-i. Së pari njerëzit nuk dinë çfarë të bëjnë me të dhe duket shumë e frikshme, por vjen duke u dobësuar,” -tha Zelensky.

Presidenti ka thënë gjithashtu se vullneti i Ukrainës për të mposhtur Rusinë e Vladimir Putinit mbetet i fortë dhe nuk ka asnjë ngërç.

Ai tha se njerëzit e tij ishin të lodhur nga "sulmet e përhershme ajrore", të lodhur nga granatimet, të lodhur nga shkatërrimi i shtëpive dhe vrasja e të dashurve të tyre, por nëse i pyet ukrainasit a janë të gatshëm t'i dorëzoheni Rusisë, ata do tiu përgjigjen qartë se janë të gatshëm të qëndrojnë ende rezistentë./CNA

 

Lajmet e fundit nga