web counter
LEXO PA REKLAMA!

SHKARKO APP

App Store
Google Play

E fundit!

x

Europol godet rrjetin kriminal në Ballkan/ 39 persona të përfshirë në abuzime seksuale me fëmijët

20 Nëntor 2023, 16:11, Kosova & Bota CNA
Europol godet rrjetin kriminal në Ballkan/ 39 persona të
Foto ilustruese

Europol ka bërë me dije se është goditur një rrjet i abuzimeve seksuale me fëmijët.

Kjo u bë e mundur falë një operacioni të madh mes disa vendeve, kundër shfrytëzimit seksual të fëmijëve në rajonin e Ballkanit.

Nga operacioni u identifikuan 39 abuzues të dyshuar të fëmijëve dhe u morën në mbrojtje 2 prej viktimave. 

Operacioni i koduar “MOZAIK 2023” u drejtua nga Policia Kombëtare Sllovene dhe u koordinua nga Europoli në kuadrin e Platformës Multidisiplinare Evropiane kundër Kërcënimeve Kriminale (EMPACT). 

Qëllim i operacionit ishte  identifikimi dhe arrestimi i njerëzve  që përdornin rrjetet në internet dhe aplikacionet e mesazheve për të ndarë dhe shpërndarë materiale të abuzimit seksual të fëmijëve. 

Vendet e Ballkanit Perëndimor si Bosnja dhe Hercegovina, Maqedonia e Veriut, Mali i Zi, Serbia,  Sllovenia, Kroacia dhe Hungaria kryen një sërë hetimesh nga data 6 deri në 17 nëntor. Pas hetimeve 3 të dyshuar u arrestuan për krime që kanë të bëjnë me shpërndarjen e imazheve të abuzimit të fëmijëve.

Gjatë aksioneve gjithashtu u sekuestruan më shumë se 200 sende që përmbanin imazhe ose video të abuzimit seksual të fëmijëve, duke përfshirë kompjuterë, telefona celularë, serverë kompjuteri dhe karta memorie.

Europol lehtësoi shkëmbimin e informacionit midis të gjitha vendeve të përfshira.

Në kuadrin e EMPACT, Sllovenia, Kroacia, Hungaria dhe Qendra Evropiane për Krimet Kibernetike të Europolit janë bashkuar për të krijuar një rrjet ekspertësh në Ballkanin Perëndimor me synimin për të forcuar bashkëpunimin ndërkufitar në luftën kundër abuzimit seksual të fëmijëve./ CNA





Lajmet e fundit nga