LEXO PA REKLAMA!

SHKARKO APP

Bilanc i frikshëm në Turqi/ 9 viktima dhe 11 të zhdukur pas stuhisë

20 Nëntor 2023, 13:26, Kosova & Bota CNA
Bilanc i frikshëm në Turqi/ 9 viktima dhe 11 të zhdukur pas
Foto ilustruese

Nëntë të vdekur dhe njëmbëdhjetë të zhdukur është bilanci i deritanishëm i stuhisë që ka përfshirë Turqinë gjatë dy ditëve të fundit.

Reuters raporton se ekipet turke të shpëtimit janë duke kërkuar për 11 anëtarë të ekuipazhit të zhdukur të një anijeje mallrash e cila u fundos në brigjet e Detit të Zi mes stuhive që morën jetën e të paktën nëntë personave, përfshirë një nga anija.

“Kafkametler” anija me flamur turk, me 12 anëtarë të ekuipazhit në bord, është mbytur në brigjet e Eregli në provincën Zonguldak të Turqisë veriperëndimore dhe trupi i një anëtari të ekuipazhit është nxjerrë” – ka thënë ministri i Brendshëm Ali Yerlikaya.

Kapiteni i anijes kishte raportuar të dielën në mëngjes se anija po lëvizte drejt një lundrueseje në Eregli dhe Yerlikaya. Anija besohet se është goditur nga stuhia menjëherë pas këtij njoftimi.

Rajoni u godit nga stuhi të fuqishme të dielën dhe moti i keq i pengoi anijet detare dhe forcat ajrore të kryenin kërkime deri të hënën në mëngjes.

Ministri Yerlikaya u tha gazetarëve se stuhitë dhe përmbytjet në të gjithë Turqinë gjatë fundjavës kishin rezultuar në vdekjen e katër personave në provincën juglindore të Batman, tre personave në Zonguldak dhe një personi tjetër në Diyarbakir, gjithashtu në juglindje./CNA

Lajmet e fundit nga