web counter
LEXO PA REKLAMA!

SHKARKO APP

App Store
Google Play

E fundit!

x

I vëllai u arrestua për vrasjen e Liridona Murselit, Kokalla: Tri familje jemi ekstrem keq, të shokuar

2 Dhjetor 2023, 08:17, Kosova & Bota CNA
I vëllai u arrestua për vrasjen e Liridona Murselit, Kokalla: Tri
Kushtrim Kokalla

Kushtrim Kokalla u arrestua,nga Policia e Kosovës, si i dyshuari i tretë për vrasjen e Liridona Murselit.

Kokalla, pjesëtar i FSK-së, dyshohet se ka bashkëpunuar me Naim Murselin, bashkëshortin e Liridonës, dhe Granit Plavën, dorasin, në vrasjen e 30 vjeçares. Ngjarje kjo që ka tronditur opinion publik. 

Vëllai i Kushtrimit, Kanon Kokalla ka deklaruar për mediat në Kosovë, se ndjehet i shokuar, por ka theksuar se Kushtrim Kokalla është i pafajshëm. 

“Jemi të shokuar! Por një gjë ta garantoj, se vëllai im në natën kritike ka qenë në shtëpi. Tjetër gjë nuk di. Vallahi nuk besoj! Ai ka qenë shumë i lidhur me të (Liridonën). Se ne jemi shumë të lidhur familjarisht. Ne jemi rritë bashkë me Liridonën. Nuk kam informata tani [flet për familjen e Liridonës]. Tri familje jemi ekstrem keq. Të shokuar. Si familjarët e Liridonës, si prindërit e Naimit, si ne, komplet jemi të shokuar. Po n’a duket si ëndërr e s’po mundemi me besu. Përpos nëse çmendesh, se nuk ka kurrfarë arsye një njëri me e bë atë send”, është shprehur ai. 

Liridona Murseli u vra të mërkurën mbrëma, teksa po udhëtonte me bashkëshortin dhe fëmijët e saj drejt shtëpisë në Prishtinë. Ngjarja është inskenuar e gjitha nga Naim Murseli, ish-këshilltari i Behgjet Pacollit, i cili është arrestuar nga policia.

 Mediat në Kosovë raportojnë se Naim Murseli ka pranuar përpara policisë se është porositësi i këtij krimi. Ende nuk është zbardhur dëshmia e tij e plotë, por ish-këshilltari i Pacollit do të përballet tashmë me drejtësinë për vrasjen e Liridonës.

Nga ana tjetër, autori i vrasjes Granit Plava ka deklaruar se bashkëshorti i viktimës e ka paguar 30 mijë euro./CNA

 

 





Lajmet e fundit nga