web counter
LEXO PA REKLAMA!

SHKARKO APP

App Store
Google Play

Grabitësit i vranë nusen/ Vjehrri tregon detaje: Nipi 4-vjeçar pa gjithçka

1 Dhjetor 2023, 13:17, Kosova & Bota CNA
Grabitësit i vranë nusen/ Vjehrri tregon detaje: Nipi 4-vjeçar
Liridona Murseli dhe Naim Murseli

Vjehrri i Liridona Murselit, Shaban Murseli, ka treguar detaje tragjike nga vrasja e nuses. 

Në një intervistë televizive, i moshuari rrëfeu traumën që nipi i tij 4-vjeçar pa me sy, pasi grabitësit i kishin marrë edhe telefonin.

“Nipi i vogël 4 vjeç u kishte treguar familjarëve, se njëri prej grabitësve i kishte marrë telefonin djalit. Dyshohet se kanë qenë 2 persona të maskuar. Ajo zonë është si rrugë fshati, nuk ka pasur kamera sigurie. Pak metra më larg, kam dëgjuar se ka pasur një restorant kamera. Grabitësit lëviznin me makinë të tipit ‘BMW’. Sa erdha në shtëpi, ishte ora 21:00 dhe më telefonin djali i vogël e më thotë ‘babi ke diskutuar me Naimin?’ I them që jo, më pas më thotë: ‘Po më thonë se paskan vrarë Liridonën’. Liridona është kthyer në Kosovë në muajin tetor”, tha ai.

Ngjarja e rëndë ndodhi dy ditë më parë, teksa Naim Murseli, ish-këshilltari i Behgjet Pacollit, po udhëtonte me gruan dhe 2 fëmijët në rrugën “Dalip Alshiqi” në Prishtinë. Gjithë familja ranë pre e një grabitjeje.

Pasi grabitësit morën sendet me vlerë që kishin me vete e qëlluan me armë nënën e re. 

Autoritetet policore ende nuk i kanë identifikuar autorët e ngjarjes tragjike që tronditi opinionin publik./CNA





Lajmet e fundit nga